A A A
  • 2010 - Alexandra Líf Bjarnadóttir
28.04.2011 - 23:41 | bb.is

Búnađarfélagiđ Bjarmi stofnađ

Kirkjuból í Dýrafirđi
Kirkjuból í Dýrafirđi
Fjögur Búnaðarfélög í Ísafjarðarbæ hafa verið sameinuð í eitt undir nafninu Búnaðarfélagið Bjarmi. Um er að ræða félög sem starfað hafa í Dýrafirði, Önundarfirði, Súgandafirði og Skutulsfirði, en félagsmenn þeirra ákváðu sameininguna á fundi sem haldinn var í friðarsetrinu í Holti þann 4. apríl. „Vonir okkar standa til þess að sameingin muni efla samfélagið og þjappa mönnum saman um sameiginlega hagsmuni," segir Guðmundur Steinar Björgmundsson, sem kjörinn var formaður fyrstu stjórn Búnaðarfélagsins Bjarmi. Aðrir stjórnarmenn eru Guðrún Íris Hreinsdóttir og Sighvatur Jón Þórarinsson....
Meira
27.04.2011 - 23:30 | JÓH

Tónleikar međ karlakórnum Erni

Karlakórinn Ernir
Karlakórinn Ernir
Karlakórinn Ernir heldur sína árlegu vortónleika í Félagsheimilinu, fimmtudaginn 28. apríl kl. 20:00. Tónleikarnir á Þingeyri eru fyrstu tónleikar karlakórsins af þremur, en þeir verða í Félagsheimilinu í Bolungarvík næstkomandi föstudagskvöld kl. 20:00 og í Ísafjarðarkirkju sunnudaginn 1. maí kl. 17:00. Dagskráin er að vanda bæði fjölbreytt og skemmtileg, og eru Dýrfirðingar hvattir til að láta þetta tækifæri ekki fram hjá sér fara.
27.04.2011 - 23:17 |

Fjölmenni í Íţróttahúsinu

Frá leikjadeginum 2009. Mynd: JÓH
Frá leikjadeginum 2009. Mynd: JÓH
Íþróttafélagið Höfrungur stóð fyrir leikjadegi í Íþróttahúsinu um páskahelgina en Birna Baldursdóttir íþróttafræðingur hafði umsjón með ýmis konar hópleikjum fyrir þátttakendur, auk þess sem hún kynnti crossfit fyrir Dýrfirðingum. Fólk á öllum aldri mætti í Íþróttamiðstöðina til að gera sér glaðan dag og voru hátt í 200 manns samankomnir þegar mest var. Dagurinn þótti heppnast einstaklega vel og var ekki annað að sjá en að fólk hafi skemmt sér vel. Myndir frá leikjadeginum má sjá á heimasíðu Bergþórs Gunnlaugssonar.
26.04.2011 - 23:10 | Tilkynning

Ný stjórn íbúasamtakanna Átaks

Dýrafjörđur
Dýrafjörđur
Á aðalfundi íbúasamtakanna Átaks, sem haldinn var 5. apríl s.l. var kjörin ný stjórn samtakanna. Hana skipa:

 

Daðey Arnborg Sigþórsdóttir, formaður
Signý Þöll Kristinsdóttir, ritari
Jóhanna Gunnarsdóttir, gjaldkeri
Ólafur Skúlason, meðstjórnandi
Gunnar Gísli Sigurðsson, meðstjórnandi
Katrín Gunnarsdóttir, varamaður
Wouter Van Hoeymissen, varamaður.

 

Viljum við óska eftir að öll erindi sem taka á fyrir hjá samtökunum berist okkur skriflega og um leið nota tækifærið til að koma á framfæri tölvupóstfangi Átaks, ibuasamtokin.atak@gmail.com.

 

Þá viljum við þakka fyrri stjórn fyrir vel unnin störf.
Fyrir hönd íbúasamtakanna Átaks
Daðey

19.04.2011 - 21:44 | JÓH

Dagskrá um páskana

Ţingeyri 20.apríl 2011. Mynd: JÓH
Ţingeyri 20.apríl 2011. Mynd: JÓH
Það verður ýmislegt um að vera í Dýrafirði um páskana, sem og annars staðar í Ísafjarðarbæ. Dagskráin er sem hér segir en viðburðir eru einnig merktir inn á dagatalið hér til hliðar með nánari upplýsingum. Ef einhverja viðburði vantar má endilega senda póst á thingeyri@thingeyri.is svo hægt sé að bæta þeim við. Yfirlit um viðburði utan Dýrafjarðar má finna á www.skidavikan.is og www.aldrei.is.
* Uppfært 23.04.10 - Víkingar verða einnig með opið hús í dag, laugardag.

Fimmtudagur 21.apríl - skírdagur

14:00 - 18:00 Simbahöllin opin
20:00 - 24:00 Tónleikar með Pétri Ben í Simbahöllinni
21:00 - 24:00 Spurningakeppnin Veistu hvað á Veitingahorninu
21:00 Tónleikar með hljómsveitinni Grjóthrun í Félagsheimilinu

...
Meira
19.04.2011 - 20:06 | JÓH

Hlaupahátíđ í sumar

Á hlaupahátíđinni í fyrra var međal annars bođiđ upp á jóga. Mynd: JÓH
Á hlaupahátíđinni í fyrra var međal annars bođiđ upp á jóga. Mynd: JÓH
Hlaupahátíð á Vestfjörðum verður haldin í þriðja sinn nú í sumar og fer fram dagana 15. - 17. júlí. Hátíðin varð til árið 2009 þegar Óshlíðarhlaup og Vestugötuhlaup fóru í fyrsta sinn fram á sömu helgi. Í fyrra bættust fjallahjólreiðar við hlaupahátíðina, og í ár verður boðið upp á nýja vegalengd í Vestugötuhlaupinu auk sjósunds og þríþrautar.

Nánari upplýsingar um hlaupahátíðina er að finna á nýjum vef hátíðarinnar, www.hlaupahatid.is en opnað verður fyrir skráningu á allra næstu dögum.
19.04.2011 - 01:01 | bb.is

Risu úr sćtum af hrifningu

Í lok tónleikanna. Mynd: TÍ.
Í lok tónleikanna. Mynd: TÍ.
Vortónleikar útibús Tónlistarskóla Ísafjarðar á Þingeyri voru haldnir undir lok síðustu viku í Þingeyrarkirkju. Dagskráin var einstaklega fjölbreytt, samleikur og samsöngur af ýmsu tagi, fimmtán tónlistaratriði en flytjendur voru 21 talsins á ýmsum aldri. Leikið var á hljómborð, píanó, blokkflautu, fiðlu, harmóníku, gítar, rafgítar og trommur auk söngs. Tónleikunum lauk með því að allir nemendurnir sameinuðust ásamt kennurunum sínum, þeim Kristu og Raivo Sildoja, í laginu sívinsæla „Mamma mia" við mikinn fögnuð áheyrenda sem risu úr sætum til að lýsa hrifningu sinni.

 

Skólastarfinu er ekki lokið þótt vortónleikarnir séu búnirog eru ýmis verkefni framundan eftir páska og í maí.

08.04.2011 - 09:50 | bb.is

Ný hestaleiga opnar á Ţingeyri í sumar

Wouter og Janne mun starfrćkja hestaleigu ásamt kaffihúsarekstrinum í Simbahöllinni
Wouter og Janne mun starfrćkja hestaleigu ásamt kaffihúsarekstrinum í Simbahöllinni
Ný hestaleiga verður opnuð í sumar að Söndum í Dýrafirði þar sem dýrfirskir hestamenn hafa um árabil haft aðstöðu fyrir hross sín. Stofnandi leigunnar er Wouter Van Hoeymissen, sem ásamt eiginkonu sinni, Janne Kristiensen, rekur kaffihúsið Simbahöllina á Þingeyri. „Alveg frá því að ég kom fyrst til Íslands hef ég haft mjög gaman af íslenska hestinum. Stuttu eftir að ég flutti til Þingeyrar keypti ég hesta og síðan þá hefur áhuginn vaxið og nú er ég farinn að reyna fyrir mér í tamningu og slíku. Þannig ég fór fljótlega að velta fyrir mér hvort ekki væri grundvöllur fyrir hestaleigu hér á svæðinu," segir Wouter sem búið hefur á Þingeyri í sex ár. „Það gafst þó ekki tími til þess að ráðast í verkið fyrr en nú, enda hafa síðustu ár farið í að gera upp Simbahöllina," segir Wouter....
Meira
Eldri fćrslur
« Janúar »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör