Vegurinn um Þorskafjarðarheiði var opnaður fyrir helgi. Þetta er óvenjulega seint, en leysingar hafa gengið afar hægt í því kalda veðri sem hefur að mestu ríkt síðan í vor. Í fyrra var heiðin opnuð í lok maí. 
Margir kjósa að keyra Þorskafjarðarheiði í stað Þröskulda. Það styttir leiðina milli Reykjavíkur og Ísafjarðar um 14 km, en sé sú leið valin eru 23 km á malarvegum en þeir eru engir á Þröskuldaleið....
Meira

Tíu þúsund króna aðgangseyrir er lágmark!

Alltaf sér maður það betur og betur hvílík gersemi Ómar Þ. Ragnarsson er. Sannast það áþreifanlega af kvikmyndunum af Íslandi og Íslendingum sem hann er að sýna í Sjónvarpinu þessa dagana. Fáir ef nokkrir hafa gengið þá götu sem hann hefur troðið af mikilli einbeitni: Að reyna að vekja þjóðina til vitundar um það stórkostlega land sem hún byggir. Það er borðleggjandi að landið á sér enga hliðstæðu í víðri veröld. Og svo eru Íslendingar ekki síður sér á parti!

...
Meira

Hafliði Þórður Magnússon, listamaður frá Bíldudal, var fæddur þann 16. júlí 1935 og nú á fimmtudag eru því 80 ár frá fæðingun hans. Hafliði lést þann 25. júní 2011  á heimili sínu á Selfossi.

Hafliði var fæddur í Hergilsey á Breiðafirði. Hann fluttist þaðan 6 ára í Arnarfjörð þar sem fjölskyldan bjó á ýmsum stöðum en lengst af bjó hann á Bíldudal. Hann bjó einnig um tíma í Reykjavík.

Hafliði starfaði m.a. sem sjómaður og þá mest á síðutogurum, við fiskvinnslu og einnig kenndi hann sjóvinnu. Þá vann hann við uppbyggingu Mjólkárvirkjunar og endurgerð fæðingarbæjar Jóns Sigurðssonar á Hrafnseyri við Arnarfjörð.

Frá árinu 1998 bjó Hafliði síðan á Selfossi ásamt sambýliskonu sinni Evu Þórarinsdóttur frá Suðureyri við Súgandafjörð.

...
Meira

Hátíð Hvanneyrar sem haldin var í fyrradag, 11. júlí 2015, lukkaðist vel. Það sem sneri að Landbúnaðarsafninu var fernt:

 1. Haldið var námskeið í fornslætti. Fullskipað var á skeiðið með 10 þátttakendum og nokkrum áheyrnarfulltrúum. Skeiðið var haldið til reynslu, sem nú verður metin og ráðslagað um framhald því ýmsir hafa látið í ljós áhuga á að kynna sér betur slátt með orfi og ljá ...

...
Meira

Björn Ingi Bjarnason og Guðbjartur Jónsson, Vagnstjóri og veitingamaður á Flateyri, voru miklir vinir á meðan báðir bjuggu á Flateyri enda störfuðu þeir saman um árabil. Bjartur er, sem kunnugt er, þekktur fyrir mismæli sín. Björn Ingi hafði, líkt og aðrir, mikið gaman af orðfæri Bjartar og ambögum.

        Eitt sinn þegar þeir félagar höfðu ekki sést lengi hitti Björn Bjart á förnum vegi

...
Meira

Guðbjartur Jónsson, veitingamaður og Vagnstjóri á Flateyri, er Samvinnuskólagenginn maður. Í Samvinnuskólanum lærði Bjartur allt er varðar álagningu verslunar á vöruna og hversu mikið munaði um hvert prósentustigið í þeim efnum. Guðbjartur er landskunnur fyrir mismæli sín og verður honum oft hált á svelli máltækjanna.

        Eitt sinn var hann að prédika yfir félögum sínum gildi þess að huga að hinu smáa og menn mættu alls ekki gleyma gildi þess í verslunarrekstrinum.

...
Meira

Sameiginlegt íþróttafélag sem nær yfir alla Ísafjarðarsýslu frá Arnarfirði til Ísafjarðardjúps, skal heita VESTRI.
Þetta er niðurstaðan í kosningu sem fram fór á netinu í síðustu viku. Áður voru valin tvö nöfn af átta í netkosningu og urðu þá nöfnin Vestri og ÍV, Íþróttafélag Vestfjarða eftst.
Í síðari umferð var kosið á milli þeirra tveggja og varð Vestra nafnið hlutskarpara, með miklum mun, segir Hjalti Karlsson sem leiðir sameiningarnefnd íþróttafélaganna í Ísafjarðarbæ og Bolungarvík.
Alls tóku samanlagt 800 manns þátt í kosningunni um nafn á nýja félaginu....
Meira

Uppi verður fótur og fit á Hvanneyri í Borgarfirði núna á morgun,  laugardaginn 11.júlí  en þá verður Hvanneyrarhátíðin 2015 haldin. Hátíðin hefst klukkan tíu um morguninn með örnámskeiði í orfslætti en tilkynna þarf þátttöku fyrirfram til Bjarna Guðmundssonar hjá Landbúnaðarsafni Íslands.

Skemman Kaffihús verður svo opnað í hádeginu en hátíðin er sett á kirkjutröppum Hvanneyrarkirkju kl. 13.30.

...
Meira