Halla Ólafsdóttir var í vikunni ráðin í starf frétta- og dagskrárgerðarmanns hjá Ríkisútvarpinu á Vesturlandi og Vestfjörðum. Halla verður með aðsetur á Ísafirði. Hún er menntuð í kvikmyndagerð og hefur unnið við gerð bæði stuttmynda og heimildarmynda. Halla mun flytja fréttir af Vesturlandi og Vestfjörðum, auk þess að vinna dagskrárefni fyrir útvarp.

RÚV tilkynnti fyrir stuttu um ráðningu þriggja nýrra starfsmanna á fréttastofu RÚV á landsbyggðinni....
Meira

Nokkrar léttar sagnir af Ásgeiri forseta 3.

Þegar Ásgeir Ásgeirsson síðar forseti, varð forsætisráðherra 1932, vann faðir hans í Áfengisverslun ríkisins. Þegar Ásgeir gamli kom til vinnu morguninn sem fréttin barst út um bæinn, var einhver galsi í vinnufélögum hans og einn þeirra sagði við hann:

  -Jæja, nú er sonur þinn orðinn forsætisráðherra.

  -Já, svaraði Ásgeir. Nú eru erfiðir tímar og verður að velja til forustu þá hæfustu menn sem völ er á.

   Maðurinn svaraði:

...
Meira

Þingeyrarvefurinn leit við á Menningarnótt í Reykjavík nú um miðjan dag, laugardaginn 22. ágúst 2015. Farið var í Sjóminjasafnið Víkina við Reykjavíkurhöfn.
Opið skip var í varðskipinu Óðni hvar gamlir skipverjar þar um borð tóku á móti hinum fjölmörgum gestum og gangandi. Meðal þeirra var Pálmi Hlöðversson f.v. stýrimaður og skipherra hjá Landhelgisgæslunni. Pálmi er tengdasonur Vestfjarða en kona hans er Guðmunda Helgadóttir frá Hvallátrum.
Í febrúar 1968 var Pálmi í lykilhlutverki við björgunarafrek skipshafnar Óðins í Ísafjarðardjúpi.
Það er rifjað hér upp: 
Sjómannablaðið Víkingur  9 – 10 tölublað 1968...
Meira

Það var ekki spáð vel fyrir hugsjónamönnum í skógrækt hér á Vestfjörðum lengi vel á 20. öldinni. Margir töldu það tóma dellu að vera að eyða fé, tíma og fyrirhöfn í að gróðursetja tré. Tíminn hefur nú leitt annað í ljós. Hugsjónamenn eins og séra Sigtryggur Guðlaugsson, Martinus Simson, séra Stefán Eggertsson, Guðmundur Ingi Kristjánsson, Þórður Njálsson og fleiri og fleiri voru langt á undan sinni samtíð í skógræktarmálum....
Meira

Samstarf Kómedíuleikhússins og Einars Kárasonar, skálds, með Grettissögu heldur áfram á helginni. 
Eystra fer fram hin árlega hátíð Ormsteiti og meðal þess sem boðið er uppá á því menningarhlaðborði er Grettisstund með Einari Kára og Elfari Loga. Um tvær sýningar er að ræða sú fyrri í Sláturhúsinu Egilsstöðum í dag, laugardaginn 22. ágúst 2015 kl.17. Síðan á morgun, sunnudaginn 23. ágúst, verður Grettisstund í Baðstofunni í Óbyggðasetrinu Egilsstöðum í Fljótsdal kl. 16:30....
Meira

Sú saga fer nú sem eldur í sinu um allan Dýrafjörð og þó víðar væri leitað, að maður nokkur hafi séð huldukonu um daginn á Brekkuhálsi. Var hann á leið í kaupstað til Þingeyrar þegar hann mætti þessari stórglæsilegu konu.
Þó manninum brygði nokkuð, gat hann gefið eftirfarandi lýsingu á huldukonunni:...
Meira

Flóð, nýtt íslenskt leikverk um snjóflóðið á Flateyri og eftirköst þess, mun fara á fjalir Borgarleikhússins í janúar. Hrafnhildur Hagalín og Björn Thors hafa undanfarið tekið viðtöl við fjölda fólks sem upplifði flóðið á einn eða annan hátt og mun verkið byggja á frásögnum þeirra. Hrafnhildur segir vinnuna við verkið ekki vera auðvelda enda sé um gífurlega viðkvæmt efni að ræða sem sumir hafi vanist því að ræða opinskátt á meðan aðrir geymi það í skúmaskotum sálarinnar....
Meira

Bústaður Dýrfirðingafélagsins, Átthagi í landi Hvamms í Dýrafirði:
er laus 21.- 28. ágúst, 
28. ágúst - 4. september, 
11.- 18. september, 
18. - 25. september. 

Áreiðanlegar fregnir herma að sést hafi til aðalbláberja í Dýrafirði....
Meira