Gisting með morgunverði á Gistiheimilinu Núpi og þriggja rétta óvissu matseðill fyrir tvo á aðeins 19.500 kr. Gerðu vel við þig og elskuna þína í sumar. Gisting og góður matur á fallegum stað í Dýrafirði.

Kyrrð á heiðarvegum, grænar lyngbrekkur, fjallgönguleiðir, fossandi ár, standbjörg, söguslóðir fornkappa, sjávarþorp og yfirgefnar byggðir. Allt sem gerir vesturhluta Vestfjarðarkjálkans að svo heillandi og margbreytilegu svæði fyrir ferðamanninn er innan hæfilegrar seilingar frá gistiheimilinu á Núpi í Dýrafirði, aldagömlu höfðingjasetri í faðmi stórbrotinnar náttúru

Gistiaðstaða

...
Meira

Íslendingar eru nú á mikilli siglingu í knattspyrnunni í Frakklandi. Og er nú full ástæða til að rifja upp að það hefur gerst áður. Reykvíkingurinn Albert Guðmundsson úr Val fór til náms í Skotlandi árið 1945 með nesti og nýja skó eins og karlssynirnir í ævintýrunum. Lítið hafði hann handa á milli annað en áræðni, kraft, gott upplag og uppeldi. Hann var frá 1947-1955, atvinnumaður í knattspyrnu, lengst af  í Frakklandi, en einnig á Ítalíu. Hann var sá fyrsti í Evrópu, sem kom frá Norðurlöndum. Var um tíma jafnvel talinn hæst launaði atvinnumaður í heimi í knattspyrnu. Áður hafði hann verið um skeið áhugamaður hjá Glasgow Rangers í Skotlandi og Arsenal í Englandi. Eftir að Albert kom heim úr víking gerðist hann umsvifamikill á ýmsum sviðum m. a. stjórnmálum....
Meira

Veðrið

Hiti er nú, á Sumarsólstöðum 2016, 18 gráður á Celsíus, sól um alla firði, nokkur andvari. „Það stangar ekki hart í dag,“ eins og Valdimar á Mýrum segir stundum. Þetta er stórkostlegt maður! Allir að drepast úr hita.

Sláttur er almennt hafinn

Jæja. Nú koma þeir sér við drengirnir með frúm sínum og búaliði. Sláttur er bara almennt hafinn í Dýrafirði og víðar þar norður af. Ómar á Ketilseyri reið á vaðið á Grænanesi fyrir um viku síðan. Alveg velligras miðað við 1. slátt, til dæmis hjá Sighvati á Höfða og Kalla á Bakka. Greinilegt að það stefnir að óbreyttu í þrjá slætti í sumar.

21 dýr milli Haukadals og Hóla

...
Meira

Sumarsólstöður eru í dag, mánudaginn 20. júní, en þá er sólargangur lengstur. Sólstöður eru klukkan 22:34, samkvæmt Almanaki Háskóla Íslands. Lengsti dagur ársins er því í dag, en nýliðin nótt var sú stysta.

Sólstöður verða þegar stefna mönduláss jarðar er til miðju sólar. Gerist þetta tvisvar sinnum á ári, sumarsólstöður á tímabilinu 20. til 22. júní, þegar sólargangurinn er lengstur, og vetrarsólstöður 20. til 23. desember, þegar sólargangurinn er stystur.

Eftir daginn í dag fer sólin aftur að lækka á lofti og dagarnir munu því styttast jafnt og þétt þangað til á vetrarsólstöðum, sem í ár verða 21. desember.

...
Meira

Að afloknum 17. júní kemur í ljós að lítið er fjallað um mann dagsins í fjölmiðlum, Vestfirðinginn Jón Sigurðsson. Í sumum þeirra er hann bara alls ekki nefndur á nafn. Þingeyrarvefurinn virðist vera nokkur undantekning í þessum efnum. Þar er að jafnaði fjallað um frelsisforingjann frá ýmsum sjónarhornum allan ársins hring. Ekki síst í kringum 17. Júní. Hér kemur eitt sjónarhornið.  

Jón Sigurðsson var glæsilegur forystumaður og hversdagsmaður í senn

Eftir lauslega athugun er hvorki að sjá að við Íslendingar höfum tekið okkur fyrir hendur að gera alþýðlegan né fræðilegan samanburð á Jóni Sigurðssyni og frelsishetjum annarra þjóða og má merkilegt kalla, jafnvel með ólíkindum. Má þó vera að einhver hafi komið því í verk.

...
Meira

Guðni Th. forsetaframbjóðandi við kosningarnar hinn 25.júní 2016, var með fund  á Þingeyri í dag, sunnudaginn 19. júní ásamt konu sinni Elizu Reid.

Á fundinum kynnti Guðni  framboð sitt ásamt því að svara spurningum gesta.

Fundurinn var á Hótel Sandafelli  og var fjölmennur.

Davíð Davíðsson færði fundinn til myndar eins og sjá má með fréttinni....
Meira

Þeir voru fjörugir framboðsfundirnir í Vestfjarðakjördæmi hér fyrr á árum og eru reyndar ekki nema svipur hjá sjón nú
á dögum, þar sem allir reyna að vera góðir við alla. Einnig skortir mjög húmor í frambjóðendur nú til dags. 
Eitt sinn voru þeir að karpa á fundi á Þingeyri, kempurnar Matthías Bjarnason, fyrrum ráðherra, og Steingrímur Hermannsson (Denni dæmalausi), fyrrum ráðherra og formaður Framsóknarflokksins, líklega fyrir alþingiskosningarnar 1979.
Það hafði orðið slys í fylgiskjali með þingsályktunartillögu Framsóknarflokksins, sem Hákon Sigurgrímsson hafði samið og sagði fyrir um hve stórt búr ætti að vera fyrir hverja minkalæðu og „hluta úr högna.“

...
Meira

Og er nú tímabært að rifja upp hvað fossarnir á Dynjanda heita. Sumir þeirra bera tvö og jafnvel þrjú nöfn:

Talið ofanfrá eru það:

Dynjandi (Fjallfoss), Hæstahjallafoss, Úðafoss (Strokkur eða Strompur), Göngumannafoss (Göngufoss), Hríðsvaðsfoss, Hundafoss og Bæjarfoss (Sjóarfoss).

   Það er sannkölluð fossasimfónía sem náttúran leikur fyrir gesti sína á Dynjanda, misjafnlega hljómmikil eftir árstíðum. Sagt er að niður fossanna þar heyrist lengra en frá nokkrum öðrum fossum á Íslandi. 

...
Meira