Vilborg Davíðsdóttir rithöfundur og þjóðfræðingur sækir æskuslóðirnar heim um Dýrafjarðardagana. Mun hún þar flytja tvo fyrirlestra, annan um sögur hennar af landnámskonunni Auði djúpúðgu og hinn um bók hennar Ástin, drekinn og dauðinn. 

Vilborg hefur sent frá sér sjö sögulegar skáldsögur sem gerast á fyrri öldum. Tvær þær síðustu, Auður og Vígroði, segja frá ævi Auðar Ketilsdóttur og aðdraganda landnáms á Íslandi. Vilborg mun segja frá skrifum sínum í máli og myndum. Erindið um Auði nefnist Einn kvenmaður, og er á dagskrá föstudaginn 1. júlí kl. 20:30 á Gíslastöðum í Haukadal. 

Laugardaginn 2. júlí kl. 16 verður Vilborg í Þingeyrarkirkju,...
Meira

Endurbygging Þingeyrarflugvallar 2006, sem er varaflugvöllur Ísfirðinga, kostaði stórfé.
Það er ein af furðum Vestfjarða að völlurinn, trúlega flottasti flugvöllur í fjórðungnum, skuli hafa verið lokaður mörg undanfarin ár. Mönnum urðu að vísu á alvarleg mistök við byggingu flugbrautarinnar. En handvammir eru bara til að leiðrétta. En hvers vegna er það ekki gert? Sennilegasta skýringin á því er að íslensk stjórnsýsla er meira og minna ónýt. Sjálfsagt hátt í milljarðs króna mannvirki á núvirði látið afskiptalaust.
Dýrfirðingar horfa dolfallnir á. Og Ísfirðingar geta ekki notað varavöllinn sinn! Tæplega 30 flugferðir féllu niður til Ísafjarðar bara í maí s. l. eins og komið hefur fram.

...
Meira

Í gær 28. júní á 111 afmælisdegi Hjartar Hjálmarssonar var haldinn fundur til að loka einum þætti og hefja annan. Aðgerðarhópur um afmæli Sóleyjar ÍS 225 kom saman og með hópnum Emil Ragnar Hjartarson sem var heiðursfélagi í ferðinni um Boðaföll Sóleyjar á Suðurlandi. Að vísu komst Emil ekki með í ferðina en það breytir auðvitað engu um stöðu hans og heiður.

Gudmundur Einar Jonsson átti ekki möguleika á að mæta í dag og var þar skarð fyrir skildi. En úr nefndinni mættu Björn Ingi Bjarnason og Guðmundur Sigurðsson.

Hjörtur Hjálmarsson var stjórnarformaður Hjallaness, dótturfélags Kaupfélags Önfirðinga þegar Sóley var smíðuð fyrir Flateyringa. Hjörtur var mikill aðdáandi Einars Benediktssonar skálds og mun hafa átt hugmynd og heiður af nafni skipsins.

...
Meira

Það er ekki á skógarkerfilinn logið né lúpínuna. 

Það sýna meðfylgjandi myndir sem teknar voru á Þingeyri í gær, 27. júní 2016.
Þær sýna eins og fyrri daginn meira en nokkur orð. 

Er þetta hægt, Matthías?...
Meira

28. júní 2016 - 111 ár frá fæðingu Hjartar Hjálmarssonar
Hundrað og ellefu ár eru í dag frá fæðingu Hjartar Hjálmarssonar fyrrum skólastjóra og sparisjóðsstjóra á Flateyri.
Hann fæddist á Þorljótsstöðum í Skagafirði 28. júní 1905. Hann lést á Dvalarheimilinu Barmahlíð á Reykhólum 17. nóvember 1993 á 89. aldursári. 
Árið 1931 fluttist Hjörtur til Flateyrar og gerðist kennari við barnaskólann, fyrst sem almennur kennari. Árið 1959 tók hann við skólastjórn og gegndi því starfi til ársins 1970. Hann kvæntist Aðalheiði Rögnu Sveinsdóttur, dóttur Sveins Gunnlaugssonar þáverandi skólastjóra á Flateyri og Sigríðar Benediktsdóttur. Hjörtur og Ragna eignuðust tvo syni, þá Emil Ragnar kennara og skólastjóra og Grétar Snæ starfsmannastjóra....
Meira

Þórhallur Arason fæddist í Reykjavík 14. janúar 1954. Hann lést á líknardeild Landspítalans í Kópavogi 19. júní 2016.

Foreldrar hans voru Camilla Elín Proppé og Ari Jónsson. Þórhallur var yngstur þriggja systkina, en hin eru Svava Aradóttir og Jón Friðrik Arason.

Sonur Þórhalls er Þráinn, sem hann eignaðist með fyrrverandi sambýliskonu sinni, Hildi Þráinsdóttur. Þráinn Þórhallsson er í sambúð með Klöru Kristjánsdóttur. Sonur þeirra er Dalí Þráinsson.

Þórhallur lauk búfræðinámi frá Hvanneyri 1977. Hann dvaldi um tíma í Danmörku við nám í viðskiptafræðum. Eftir heimkomu var hann um árabil framkvæmdastjóri auglýsingastofunnar Tímabæjar í Reykjavík. Hann vann að kynningarmálum fyrir Bændasamtök Íslands í nokkur ár. Þá var hann var áhugamaður um verslun og viðskipti og kom að stofnun nokkurra fyrirtækja.

Skömmu eftir síðustu aldamót flutti Þórhallur til Þingeyrar, þar sem hann var athafnasamur framkvæmdamaður, rak þar um skeið fiskvinnslufyrirtæki, fór í trilluútgerð og vann jafnframt að nýsköpunarverkefnum er sneru að sjávarútvegi

...
Meira

„Þingeyrarflugvöllur var formlega opnaður í gær eftir endurbætur sem hófust á vordögum 2005. Völlurinn þjónar nú sem eins konar varaflugvöllur fyrir Ísafjarðarflugvöll og eykur rekstraröryggi áætlunarflugs þangað. Sturla Böðvarsson samgönguráðherra sagði við athöfn í flugstöðinni að völlurinn myndi auka möguleika í innanlandsflugi og kvaðst vona að hann ýtti undir vöruflutninga með flugvélum.

Árni Gunnarsson, framkvæmdastjóri Flugfélags Íslands, upplýsti að með endurbótunum yrði Þingeyrarflugvöllur nú ákjósanlegur varaflugvöllur fyrir áætlunarflug til Ísafjarðar. Allmarga daga á ári hverju væri ófært til Ísafjarðar en mögulegt að lenda á Þingeyri sem þýddi öruggari ferðir þótt aka þyrfti farþegum milli fjarða sem tæki ekki svo langan tíma.“

    Ofangreinda frásögn má lesa á vef Innanríkisráðuneytis Íslands
Tæplega þrjátíu flugferðir til Ísafjarðar féllu niður í maí 2016

...
Meira

Dýrafjarðardagar fara fram helgina 1. - 3. júlí 2016

Dagsráin er sem hér segir:

(Birt með fyrirvara um breytingar) 

Föstudagurinn 1. júlí

08:00-22:00 – Hótel Sandafell opið. Veitingar í boði. Kaffi og kökur, plokkfiskur, kjötsúpa og fleira íslenskt góðgæti á boðstólum.

10:00-22:00 – Simbahöllin opin. Súpa, kökur, belgískar vöfflur, kaffi, heitt súkkulaði o.fl. Marakkóskur lambapottréttur í boði frá 18:00.

10:00 – 22:00 Söluskálinn N1 Hamona opinn og jafnvel lengur.

...
Meira