Guðmundur Rúnar Júlíusson, hljómlistarmaður og útgefandi, fæddist í Keflavík 13. apríl 1945 og átti þar heima alla tíð. Hann hefði ekki viljað að hér stæði að hann hefði átt heima í Reykjanesbæ. Hann var Keflvíkingur og mjög mótfallinn því að fæðingarbær hans væri endurskírður af skrifstofublókum inni í Reykjavík.

Rúnar var sonur Júlíusar Eggertssonar málarameistara og Guðrúnar Bergmann Stefánsdóttur.

Guðrún var systir Jóhanns Bergmann, föður Árna Bergmann rithöfundar. Hún var dóttir Stefáns Bergmann ljósmyndara, bróður Jónínu, ömmu Guðlaugs Bergmann í Karnabæ.

Eftirlifandi eiginkona Rúnars er María Baldursdóttir söngkona og eignuðust þau tvo syni en María er systir Þóris Baldurssonar tónlistarmanns.

Rúnar var í hópi þekktustu popptónlistarmanna landsins á síðari helmingi síðustu aldar og í fjölmennum hópi popptónlistarmanna sem komu frá Bítlabænum Keflavík um og eftir 1963.

...
Meira

Hið vinsæla og áhrifamikla leikrit Gísli á Uppsölum verður sýnt á Þingeyri á skírdag, fimmtudaginn 13. apríl kl. 20.00. Miðasala er hafin og er í blússandi gangi í síma: 891 7025. Miðinn kostar litlar 4000.- kr. Aðeins verður um þessa einu sýningu á ræða á Þingeyri. Því daginn eftir, á föstudaginn langa, verður Gísli farinn yfir heiðarnar tvær sem aðskilja norður og suðursvæði Vestfjarða. Alla leið á Birkimel á Barðaströnd hvar Gísli verður á fjölunum á hinum langa föstudegi. 

Leiksýningin um Gísla á Uppsölum hefur notið gífurlegra vinsælda og aðsóknar.

...
Meira

Jón Sigurðsson var kosinn á þing í fyrsta sinn, á kjörfundi sem haldinn var í kirkjunni á Ísafirði þann 13. apríl 1844. 
Hann hlaut 50 atkvæði af 52 sem er 96.2%.

Alþingi kom saman 1. júlí 1845 og var Jón yngstur þingmanna, 34 ára. Hann sat á þingi til 1879 og var oft þingforseti.

Varaþingmaður Jón Sigurðssonar í kosningunum 1844 var kosinn Magnús Einarsson á Hvilft í Önundarfirði. Hann var helsti stuðningsmaður Jóns vestra og í raun fyrsti önfirski kosningasmalinn sem sögur fara af og sýndi með kjöri Jóns mikilvægi kosningasmalanna. Jón  Sigurðsson hafði búið í Kaupmannahöfn í rúman áratug þegar hann bauð sig fram til Alþingis og hafði ekki tök á kosningavinnu á vettvangi í Vestur-Ísafjarðarsýslu. 

...
Meira

• Hafa áform um leit að gulli víða um land næstu tvö ár 
• Nýtt fjármagn í verkefnið frá Kanada 
• Þormóðsdalur talinn geta veitt mikilvægar upplýsingar

„Ég er nokkuð bjartsýnn á að á endanum náum við gulli upp úr jörðinni, hvort sem það verður í Þormóðsdal eða annars staðar á landinu,“ segir Vilhjálmur Þór Vilhjálmsson, stjórnarformaður Iceland Resources ehf. (IR) sem leitar að vinnanlegu gulli hér á landi. Kanadíska fyrirtækið St-Georges Platinum and Base Metals Ltd hefur nú yfirtekið fyrirtækið og hleypir það sterkari fjárhagslegum stoðum undir verkefnin sem það hefur unnið að.

Nýtt dótturfélag St-Georges Platinum, sem annast mun starfsemi Iceland Resources, verður að 60% í eigu Kanadamannanna og að 40% í eigu fyrrverandi hluthafa sem eru bæði íslenskir og erlendir.

...
Meira

...
Meira

Ein frægasta krá landsins, Vagninn á Flateyri, hefur nú fengið nýja eigendur. Hinir nýju eigendur eru þrenn pör sem öll eiga hús á Flateyri þar sem þau dvelja hluta úr ári. Eigendur Vagnsins eru þau Sindri Páll Kjartansson og Arnþrúður Dögg Sigurðardóttir, Hálfdán Pedersen og Sara Jónsdóttir ásamt Geir Magnússyni og Ragnheiði Ólafsdóttir.

Fólk hefur komið saman og skemmt sér á Vagninum allt frá því árla á níunda áratug síðustu aldar og er staðurinn hlaðinn minningum í hólf og gólf. Segjast hinir nýju eigendur að þeim þyki afar vænt um eyrina og stefna þau á endurbætur og uppbyggingu á Vagninum með tíð og tíma, en áherslan hið fyrsta verði á að fá slátt í þetta hjarta Flateyrar með ýmsum hætti.

...
Meira

Og enn er það fræga félag Búnaðarfélag Auðkúluhrepps á dagskrá!

Aðalfundur Búnaðarfélags Auðkúluhrepps var haldinn í Mjólkárvirkjun 7. apríl 2016. Fundarstörf gengu vel fyrir sig og voru menn bara kátir að vanda. Formaður félagsins, Hreinn Þórðarson, stjórnaði fundinum á sinn ljúfa hátt. Ályktanir nokkrar voru samþykktar til að leggja fyrir landsmenn. Undir liðnum önnur mál kom í ljós að mönnum liggur ýmislegt á hjarta í Auðkúluhreppi hinum forna. Ekki var það nú allt fært til bókar en þó sumt og skal nú stiklað á stóru í þeim efnum.

...
Meira

„Það er létt yfir salnum og mikið hlegið,“ segir Guðni Ágústsson, fyrrverandi ráðherra. Hann og Jóhannes Kristjánsson fara nú um landið með skemmtidagskrána Eftirherman og orginalinn og á laugardagskvöld voru þeir félagar í Salnum í Kópavogi. Það var 6. skemmtun þeirra og hafa allar verið vel sóttar.

Í kvöld, miðvikudagskvöld, 12. apríl, verða þessi gleðimenn aftur í Salnum, svo og að kvöldi sumardagsins fyrsta og svo 27. apríl. Einnig eru fleiri sýningar í Landnámssetrinu í Borgarnesi á dagskrá og meira eftir atvikum.

...
Meira