Undirritun samninga við aðalverktaka Dýrafjarðarganga hefur verið frestað vegna ófærðar. 
Til stóð að samningar Vegagerðarinnar við Metrostav a.s. frá Tékklandi og Íslenska verktakann Suðurverk um framkvæmdir á Dýrafjarðargöngum yrðu undirritaðir á Hrafnseyri í Arnarfirði klukkan tvö í dag.

Undanfarna daga hefur hins vegar snjóað mikið í fjöll á Vestfjörðum og Hrafnseyrarheiði, á milli Dýrafjarðar og Arnarfjarðar er ófær og því ekki hægt að komast á Hrafnseyri. Það er einmitt heiðin sem að Dýrafjarðargöng koma til með að leysa af hólmi. 

Gleðilegt sumar

...
Meira

Eftirfarandi áyktun um utanríkismál var samþykkt í Þingeyrarakademíunni í sundlauginni á Þingeyri síðasta vetrardag 19. apríl 2017:

„Okkur er ljóst að ekkert þýðir að vera með bænakvak í utanríkismálum, eins og Kristján frá Garðsstöðum sagði forðum. Þrátt fyrir það viljum við samt skora á Dónald forseta að tala við kallinn hann Kim Jong Un, eða hvað hann nú heitir. Bjóða honum í kaffi og með því í Hvíta húsinu og kalkún um kvöldð. Það þarf að tala við þennan mikla anda og dýrlega foringja í Norður-Kóreu. Koma því inn í hausinn á honum að það tapa allir á stríði. Sýna honum ýmislegt sniðugt og vita hvort hann tekur ekki sönsum. Hætti öllu kjarnorkubrölti svo fólkið fái að borða. Þetta gengur ekki lengur!“  

...
Meira

10. Harmonikukarlarnir og frúrnar á Mýrum æfa nú og æfa skart. Það hlýtur að standa eitthvað mikið til í vor. Guðmundur Ingvarsson, yfirlautinant og dírigent, ber fulla ábyrgð á því máli ásamt Sigurði Friðrik Jónssyni, útvegsbónda og framkvæmdastjóra rekstrarsviðs. Þetta er víst stærsta harmonikuhljómsveit norðan Alpafjalla segja þeir.

11. Vestfirska forlagið er hætt að gefa út bækur sem kunnugt er. Samt eru Vestfirskar sagnir 4. hefti að koma út eftir páska. Og fleiri í farvatninu. Þetta er náttúrlega bilun!

12. Umferðin. Mikil umferð hefur verið um Vesturleið undanfarna daga. Alls konar bílar og allt niður í vanbúna bílaleigubíla. Hrafnseyrarheiðin er 552 mtr. yfir sjávarmáli. Þar er við ýmsu að búast. En einhvern veginn virðist það samt allt blessast sem betur fer.

...
Meira

Á morgun 20. apríl 2017, sumardaginn fyrsta,  undirrita Jón Gunnarsson samgönguráðherra og Hreinn Halldórsson forstjóri Vegagerðarinnar  samninga við aðalverktaka Dýrafjarðarganga á Hrafnseyri við Arnarfjörð. 
Aðalverktakar eru Metrostav  A.S, frá Tékklandi og Íslenski verktakinn Suðurverk hf. Þessir verktakar hafa séð um framkvæmdir við Norðfjarðargöng sem verða opnuð í haust. Jafnframt verður skrifað undir samning við verkfræðistofuna Efla  sem hafa ásamt samstarfsaðilum tekið að sér eftirlit með verkinu.

Allir eru velkomnir að vera við athöfnina sem hefst klukkan 14. Þar verða haldnar stuttar ræður og gestum síðan boðið að þiggja kaffiveitingar.

...
Meira

1. Sagt var frá því í fréttum um daginn, að settur verði upp veitingastaður (sumir kalla það pöbb) á Rauðsstöðum þegar mennirnir koma í göngin. Það mál er nú í grenndarkynningu. Hjónin Án Rauðfeldur og frú Grelöð á Eyri munu sjá um reksturinn. En félagið Grímur á Eyrinni og co ehf verður rekstraraðili.

2. Siggji Friggji er kominn á nýjan bíl. Hann er jafn gamall kappakstursbílnum forstjórans hjá Forlaginu. Segi ekki meir....
Meira

• Hátíðin „gekk eins og í lygasögu

Um tvö til þrjú þúsund manns voru á tónlistar- og fjölskylduhátíðinni Aldrei fór ég suður yfir páskahátíðina, en Kristján Freyr Halldórsson, rokkstjóri hátíðarinnar, segir hana hafa gengið vonum framar. Hann segir frið og spekt hafa ríkt á tónleikasvæðinu. Hátíðin var nú í annað skipti haldin á nýjum stað, í veiðarfærageymslu rækjuvinnslunnar Kampa.

...
Meira

Gylfi fæddist í Reykjavík 17. apríl 1936. Foreldrar hans voru Sigurður B. Gröndal, veitingamaður og rithöfundur, og Mikkelína Sveinsdóttir Gröndal húsfreyja frá Hvilft í Önundarfirði. Systir Mikkelínu var Áslaug kona Sigurðar Þórðarsonar tónskálds sem fæddur var að Gerðhömrum í Dýrafirði. 

Meðal systkina Gylfa eru Benedikt, fyrrv. forsætisráðherra, Halldór, fyrrv. sóknarprestur, og Ragnar Þórir, framkvæmdastjóri.

Gylfi var kvæntur Þórönnu Tómasdóttur Gröndal, íslenskufræðingi og framhaldsskólakennara og eignuðust þau fjögur börn.

...
Meira

...
Meira