• Hollvinasamtök Núpsskóla gefa út sögu skólans
• Halda 110 ára afmælishátíð skólans í sumar
• Samtökin vilja halda munum skólans til haga og nota til að efla ferðaþjónustu á staðnum

„Tilgangur samtakanna er að varðveita og hlynna að menningararfi skólasetursins. Fyrsti þátturinn var að rita sögu skólans en einnig að varðveita muni skólans,“ segir Aðalsteinn Eiríksson, fyrrverandi skólameistari Kvennaskólans í Reykjavík, en hann ritar sögu Núpsskóla í Dýrafirði. Bókin kemur út á 110 ára afmælishátíð Núpsskóla sem Hollvinasamtök skólans halda á Núpi í júní í sumar.

Héraðsskólinn á Núpi hætti á árinu 1992 og síðan hafa hin miklu húsakynni ýmist staðið auð eða verið notuð fyrir ferðaþjónustu á sumrin.

...
Meira

...
Meira

Rætt við Hemma Gunn og gengið með honum um gamlar slóðir. Hlutverkum snúið!

Úr minnispunktum.

Hemmi byrjaði fyrst að vinna fyrir sér með söng!

Eitt sinn sagði húsfreyja nokkur að í íslenskum sveitum væri stærsta barnaheimili í heimi. Síðan þessi orð féllu er all nokkurt vatn til sjávar runnið. Nú heyrir það til undantekninga að börn og unglingar séu send í sveit á Íslandi. Varla var gefin út sú ævisaga á 20. öldinni að þar kæmi ekki fram þakklátssemi þeirra sem fengu að dveljast á góðu sveitaheimili á sumrum. Hitt var auðvitað einnig til að mönnum  líkaði ekki sveitadvölin, en það heyrði bara til undantekninga.

   Einn þeirra sem telur sig hafa orðið mikillar gæfu aðnjótandi af því að kynnast sveitinni, er æringinn, fjölmiðla-íþrótta- og alvörumaðurinn Hemmi Gunn, sem er Vestfirðingur í bak og fyrir. Við tókum hann tali um þessa reynslu hans og fleira.

...
Meira

Þann 16. mars gerðu Ísafjarðarbær, Nýsköpunarmiðstöð og Landsbankinn, auk fleiri einkaaðila, með sér samkomulag um að koma upp samvinnurými í útibúi Landsbankans á Þingeyri sem kallast Blábankinn. Þetta rými mun verða vettvangur til að veita og þróa þjónustu fyrir íbúa svæðisins, ásamt því að gefa íbúum og gestum tækifæri til að hittast, læra, uppgötva, skapa og vinna saman. Stofnaðilar Blábankans bjóða nú til kynningar á þessu nýstárlega og spennandi verkefni.

Kynningin fer fram í Félagsheimilinu á Þingeyri á morgun þriðjudag, 11. apríl 2017, kl. 17.30 og verður að kynningu lokinni rölt yfir í Blábankann.

...
Meira

Sigurjón Jóhann Sigurðsson fæddist á Ísafirði 10.4. 1957 þar sem hann ólst upp og býr enn.

Að námi loknu starfaði Sigurjón hjá Íshúsfélagi Ísfirðinga. Síðan tók hann við starfi skrifstofustjóra hjá Vélsmiðjunni Þór á Ísafirði þar sem hann starfaði í níu ár eða þar til hann og skólabróðir hans, Halldór Sveinbjörnsson, stofnuðu blaðið Bæjarins besta. Fyrsta eintakið af því kom út 14.11. 1984, sem auglýsinga- og dagskrárblað, en 1.6. árið eftir var það gert að fréttablaði og fyrsti blaðamaður þess ráðinn. Samhliða stofnuðu þeir Halldór prentsmiðjuna H-prent sem þeir ráku til ársins 2013.

Sigurjón ritstýrði Bæjarins besta og fréttavefnum bb.is, allt þar til hann seldi reksturinn og nýr eigandi tók við 1.8. 2015. 

...
Meira

Eins og margir vita er beinlínis lífsnauðsynlegt að gera einstöku sinnum eitthvað  að gamni sínu. Þess vegna þykir okkur vel við hæfi að rifja hér upp nokkrar fréttir af léttara taginu. Við byrjum á vettvangi búnaðarfélaganna fyrir 12 árum í sveitinni fyrir vestan.

Aðalfundur Búnaðarfélags Auðkúluhrepps var haldinn á sumardaginn fyrsta, 20. apríl 2005.

   Fundarsókn var mjög góð, en um 80% félagsmanna sóttu fundinn. Formaður félagsins, Hreinn Þórðarson, bóndi að Aðkúlu, stjórnaði fundinum með harðri hendi, en búist hafði verið við átökum, sem þó ekki varð. Hagur félagsins stendur með blóma, allavega miðað við niðurstöðu efnahagsreiknings, en þó nokkuð margar krónur voru þar í plús. Formaður átti að ganga úr stjórn og var hann endurkjörinn með lófataki. Fyrir eru í stjórninni eiginkona Hreins, Hildigunnur Guðmundsdóttir og Hallgrímur Sveinsson. Sannleikurinn er nú sá að það ætti eiginlega að vera löngu búið að reka hann úr félaginu, en hann hefur hótað því að ganga þá bara afturábak í félagið, ef af því verður. Og við það situr.

...
Meira

Íbúð fræðimanns í Kaupmannahöfn, samkvæmt reglum um hús Jóns Sigurðssonar, er laus til afnota tímabilið 30. ágúst 2017 til 28. ágúst 2018. Umsóknir um íbúðina skulu hafa borist skrifstofu Alþingis eigi síðar en þriðjudaginn 18. apríl næstkomandi. Allar nánari upplýsingar og sérstök eyðublöð er að finna á heimasíðu Jónshúss.

Fræðimenn, sem hyggjast stunda rannsóknir eða vinna að verkefnum í Kaupmannahöfn, geta sótt um afnot af íbúðinni, sem er á 2. hæð Jónshúss. Íbúðin er tveggja herbergja og fylgir henni allur nauðsynlegasti heimilisbúnaður. Afnotin eru endurgjaldslaus, en þeim sem fá úthlutað ber þó að greiða fyrir þrif íbúðarinnar og rekstrarkostnað, alls kr. 45.000.

Dvalartími í íbúðinni fer eftir umfangi verkefnis og öðrum atvikum, en er þó venjulega ekki lengri en tveir mánuðir. Úthlutunarnefnd ætlast til að dvalargestir nýti úthlutaðan tíma sinn að fullu við störf í Kaupmannahöfn.

Við úthlutun íbúðarinnar er höfð hliðsjón af eftirfarandi atriðum:

...
Meira

Hér birtist 10. og næst síðasti hluti þessarar umfjöllunar

úr kvikmyndahandritinu okkar Hemma heitins. Sú kvikmynd varð því miður aldrei að veruleika. 

Haukadalur, framhald. 

Kvenfélagið Hugrún starfaði af miklum þrótti á fyrri hluti 20. aldar og reisti samkomuhús í dalnum 1936.

Ljósmyndir: Samkomuhúsið og kvenfélagskonur.

Ungmennafélag var starfandi um tíma af miklum móð í Haukadal. Það hét að sjálfsögðu Gísli Súrsson.

Fyrsti heimavistarbarnaskóli á Íslandi?

Ljósmyndir:

Barnaskólinn í Haukadal, reistur 1885.

Fjölskylda Matthíasar Ólafssonar.

Jóhannes Ólafsson.

...
Meira