Hópur af kríum mætti í Arnarfjörðinn í morgun kl. 11 fyrir hádegi. Frúin á Eyri tók sjálf á móti þessum aufúsugesti. Eru þetta fyrstu kríurnar sem við vitum um hérna fyrir vestan á þessu vori. Krían er einstakur fugl eins og allir vita. Þegar hún er mætt á svæðið er eins og allt breyti um svip.
En þótt merkilegt sé er örn í Arnarfirði þessa dagana. Heldur hann sig í æðarvörpunum á Eyri og Auðkúlu. Konungur fuglanna er ekki sami aufúsugesturinn í æðarvörpum eins og krían. Þó svo æðarfuglinn sé ekki farinn að setjast upp ennþá, þá styttist í það. Æðarbændur eru því fegnastir þegar konungurinn lætur ekki sjá sig í vörpunum. Þar er hann bara vágestur ef satt skal segja. Þess vegna eru menn að vona að frú Kría og bóndi hennar hreki hann á brott sem fyrst. Það er eiginlega þeirra hlutverk að verja vörpin, enda verpir hún þar sjálf og veitir æðarfuglinum mikinn stuðning í verki. Hrekur alla varga á braut sem hún getur: Örninn, krumma gamla, hettumávinn, múkkann, tófuna, minkinn og jafnvel manninn! Krían er nefnilega einhver hugaðasti fugl sem um getur. Nokkurs konar orustuþota fuglaheimsins.
...
Ekki er að sjá að nokkur íslenskur sjónvarpsmaður hafi komist með tærnar þar sem Hemmi okkar Gunn hafði hælana viðvíkjandi viðtölum í sjónvarpi. Við hérna fyrir vestan höfum rannsakað þetta mál ofan í kjölinn. Til eru nokkur hundruð viðtöl Hemma við fulltrúa nánast allra stétta og aldurshópa þjóðfélagsins. Við nána skoðun kemur í ljós að hann var ótrúlegur. Fullyrða má að Hemmi hafi verið galdramaður á þessu sviði. Bókstaflega á heimsmælikvarða hvað samtöl snerti og reyndar fleira. Hann var svo vel undirbúinn að með ólíkindum verður að teljast. Klikkaði aldrei svo vitað sé. Gaman og alvara í bland í innleiðingum spurningum. Hemmi hefur ábyggilega oft komið viðmælendum sínum á óvart. Þannig að svörin voru oftast veitt af mikilli einlægni og gleði.
Það er með ólíkindum að Sjónvarpið okkar skuli ekki nota sér til dæmis þættina Á tali hjá Hemma Gunn meir en raun ber vitni. Þeir eru víst um 200 talsins!
...
Hönnunarvaran Jón í lit hefur slegið í gegn á íslenskum heimilum á síðustu árum. Nýjasti liturinn, fyrir árið 2017, er fölgrænn og hefur plattinn nú verið gefinn út í yfir fimmtíu litum frá því að hugmyndin um að lita afsteypur af Jóni Sigurðssyni spratt upp hjá vöruhönnuðinum Almari Alfreðssyni.
„Ég keypti koparlágmynd af Jóni Sigurðssyni í Góða hirðinum sumarið 2010. Um veturinn var ég í afsteypukúrsi í Listaháskólanum og datt í hug að taka afsteypu af þessari mynd og gefa fjölskyldumeðlimum í jólagjöf. Þetta sló rækilega í gegn og spurðist fljótt út,“ segir Almar. „Árið 2011 ákváðum við hjónin svo að koma þessu út á markaðinn. Þetta ár voru 200 ár liðin frá fæðingu Jóns og ákváðum við að gera tuttugu lágmyndir í lit og komum þessu í nokkrar verslanir um landið. Þá byrjaði boltinn að rúlla og hefur ekki hætt síðan og er Jón nú seldur í 20 verslunum um land allt.“
Það voru fleiri en verkamenn sem hann áttu hér áður fyrr meir: Heima á Kirkjubóli var það líka venja að leysa hrúta út þennan dag.
Hrútaskammirnar, þessir lengst af iðjulausu flatmagar, voru í Mið-Hólhúsinu. Við bræður vorum settir upp húskampinn svo við yrðu ekki fyrir er út kæmu kempurnar. Innifyrir gekk mikið á á meðan var verið að leysa þær eftir vetrarlanga innistöðu
En svo spruttu dorrarnir út, ögn svefndrukknir og ruglaðir af birtunni í fyrstu. En svo fundu þeir taktinn og tóku til stéttarbaráttunnar, ruku að vísu í hvern sem var í byrjun, en tóku síðan að velja sér verðuga andstæðinga ... börðust vanalega af miklum þrótti framundir hádegið ...
... en þá fór einhverjir þeirra að taka eftir gróðurnálunum unir torfveggnum og með Gufulæknum - þær nægðu til þess að deyfa baráttuandann (...rétt eins og fara gerist hjá fleirum ) ...
... samt reyndu dorrar að hnuðla hver í annan fram eftir degi, margir sárir orðnir og fleiðaðir á haus og hnakka ... Rauðlitaðir við hæfi dagsins aftur á bóga ...
En svo kom að því að þeir fundu sameiginlegan óvin: Símastaurinn framan við Hólhúsið.
