A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
18.04.2017 - 06:54 | Vestfirska forlagið,Morgunblaðið,Björn Ingi Bjarnason

Á þriðja þúsund á Aldrei fór ég suður

• Hátíðin „gekk eins og í lygasögu

Um tvö til þrjú þúsund manns voru á tónlistar- og fjölskylduhátíðinni Aldrei fór ég suður yfir páskahátíðina, en Kristján Freyr Halldórsson, rokkstjóri hátíðarinnar, segir hana hafa gengið vonum framar. Hann segir frið og spekt hafa ríkt á tónleikasvæðinu. Hátíðin var nú í annað skipti haldin á nýjum stað, í veiðarfærageymslu rækjuvinnslunnar Kampa.

„Þetta var alveg hryllilega gaman og gekk eins og í lygasögu. Fyrir utan það hvað við, skipuleggjendurnir, erum ánægð höfum við fengið að vita í símtölum frá sjálfboðaliðum, lögreglu og gæslufólki hvað þetta gekk allt vel,“ segir hann.

Kristján Freyr segist ánægður með lögregluna á Ísafirði, hún hafi stuðlað að afslöppuðu andrúmslofti, blandað geði við gestina og því ekki þurft að setja sig í stellingar.

Kristján Freyr segir að öllum líkindum fleiri hafa mætt nú en í fyrra, en auk tónleikagestanna ákvað fjöldi fólks að verja páskunum á Ísafirði.

Meðal tónlistarflytjenda voru KK band, Valdimar og Emmsjé Gauti.



« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31