A A A
  • 1968 - Kristn Theodra Hreinsdttir
15.08.2018 - 13:26 |

Lengd Drafjarargangna n yfir 60%

Yfirlit yfir vikulega framvindu
Yfirlit yfir vikulega framvindu
« 1 af 8 »

Í síðustu viku, viku 32, lengdust göngin um 84,4 m og lengd þeirra nú orðin 3.260,7 m sem er 61,5% af heildarlengd. Aðstæður til gangagraftrar hafa verið góðar og berggangur sem var að koma inn í göngin í lok vikunnar hafði ekki áhrif á framvindu en berggangurinn var kominn á miðjan stafn í lok vikunnar, sjá ljósmynd.

Lítillega hefur bæst við fyllingar í Arnarfirði en megnið af efninu úr göngum hefur farið í, auk fyllinga, fláafleyga og á haugsvæði. Þá var syðri stöpull nýrrar Mjólkárbrúar tilbúinn fyrir uppsteypu í lok vikunnar og verður hann steyptur í dag.

Í Dýrafirði vann verktaki að aðstöðusköpun og er plan fyrir svefnaðstöðu verktaka nú klárt og þá hóf verktaki vinnu í vegagerð á skeringarsvæði, sjá ljósmyndir. Einnig var unnið við styrkingar í forskeringu sem eru nú nánast lokið en eftir er að grafa burt síðasta hlutann úr forskeringunni og verður gangastafn væntanlega tilbúinn í næstu viku fyrir lokastyrkingar á munnsvæði áður en gangagröftur getur farið af stað í Dýrafirði.

09.08.2018 - 19:18 | Hallgrmur Sveinsson

etta er rosalegt stand

-„Þetta er allur bærinn eins og hann leggur sig,“ segir Aldís Hafsteinsdóttir, bæjarstjóri í Hveragerði, þar sem bæjarbúar hafa mátt þola rafmagnsbilun frá klukkan þrjú í dag. Hún segir að hátt í níu hundruð heimili búi enn við rafmagnsleysi vegna bilunarinnar en unnið er að viðgerð, samkvæmt tilkynningu frá Rarik.

„Þetta er rosalegt ástand og grafalvarlegt þegar svona er,“ segir Aldís. „Við eigum sem betur fer færanlega vararafstöð. Það er ljóst að við þurfum að eiga fleiri færanlegar rafstöðvar,“ segir Aldís. Hún telur ekki ólíklegt að bærinn fjárfesti í annarri vararafstöð til að bregðast við viðburðum sem þessum. „Auðvitað lærir maður af þessu. Þetta minnir mann á hversu háð við erum rafmagni,“ segir Aldís.

 

Þessi tilvitnun er í frétt ruv.is seinni partinn í dag 7. ágúst 2018. 

Þegar þetta er skrifað er búið að vera rafmagnslaust í Hveragerði í heilar 5 klst. Þegar maður les þetta mætti við fyrstu sýn halda að verið væri að lýsa rafmagnsleysi á Vestfjörðum einhverntíma á liðnum áratugum. En svona hefur þetta gengið á þeim bæ meira og minna svo lengi sem elstu menn muna. Það sem kallast rosalegt ástand í Hveragerði hefur sem sagt oft verið daglegt brauð hérna fyrir vestan, þó eitthvað hafi það nú skánað á allra síðustu árum. Er nema furða að Vestfirðingar séu orðnir eitthvað þið vitið. En nú ættu Hvergerðingar alla vega að „fatta“ þá betur!  

Væri nú ekki rétt að fara að slá af, Mundi?


Nú sýnist það vera almannarómur að íslensku vegirnir séu meira og minna ónýtir. Sumir jafnvel handónýtir. En það vita allir að vegirnir á landinu verða ekki lagfærðir með einu pennastriki. Og öllum er líka kunnugt um, að hraðinn orsakar flest hin hræðilegu umferðarslys. Af hverju liggur okkur svona mikið á? Stjórnlaus hraði á ónýtum vegum býður hættunni heim. Nú verða allir að sýna aðgát og kurteisi. Oft var þörf en nú er algjör og þjóðhagsleg nauðsyn.

...
Meira
30.07.2018 - 13:01 | Hallgrmur Sveinsson

Berjasprettan: etta er sviin jr, Halli minn!

Við höfum verið nokkuð á ferðinni milli fjalls og fjöru undanfarið. Í gær var til dæmis farið fram á Galtardal í Þingeyrarheppi í Dýrafirði til að gá hvort nokkur væri þar á hvolfi. Það var nú ekki sem betur fer. Fram á miðjum Galtardal, utanvert við ána, er Sandakirkja talin hafa staðið um skeið í eldgamla daga samkv. Vestfirskum sögnum. En það er nú önnur saga.

...
Meira

Halló gamlir Dýrfirðingar og annað gott fólk.

Okkur bráðvantar starfsmann í Íþróttamiðstöðina á Þingeyri síðustu viku júlí og í ágúst.  Er ekki einhver þarna úti sem væri til í að taka eina viku eða tvær. Þarf að vera orðinn 18. ára unnið er á vöktum. Bráðskemmtileg vinna við að þjónusta skemmtilegt fólk.

Frekari upplýsingar gefur Þorbjörg Gunnarsdóttir í síma 893 2445.

 
Framvinduyfirlit
Framvinduyfirlit
« 1 af 3 »

Í viku 28 voru grafnir 54,0 m í göngunum og 15 m í  hliðarrými í útskoti G. Samtals voru því grafnir 69 m. Lengd ganganna í lok viku 28 var 2.955,9 m sem er 55,8 % af heildarlengd ganganna.


Í vikunni var grafið í útskoti G sem er með neyðarrými auk þess sem sniðið í göngunum sjálfum er stærra. Í lok vikunnar var eftir að sprengja eina færu í neyðarútskotinu en sniðið í göngunum sjálfum var aftur orðið venjulegt. Grafið var í þurru basalti alla vikuna og var efninu úr göngunun var keyrt í vegfyllingar.

...
Meira
16.07.2018 - 13:55 | Hallgrmur Sveinsson

Hreppsnefnd Aukluhrepps biur um gott veur

Hreppstjrinn er hfulaus og oddvitinn er ekki laus vi rmbu og rokk!
Hreppstjrinn er hfulaus og oddvitinn er ekki laus vi rmbu og rokk!
Gamla hreppsnefndin í Auðkúluhreppi kom undan feldinum í gærmorgun. Þar hefur hún legið um nokkurt skeið og íhugað ýmis framfaramál hreppsins að fornu og nýju. Ævintýrið um Dýrafjarðargöngin hefur blásið nýju lífi í hina gömlu hreppsnefnd. Aldrei að vita til hvers það getur leitt. Því nú er lag. Í núverandi hreppsnefnd Auðkúluhrepps eru ýmsir nafnkunnir menn hér vestra, bæði lífs og liðnir. Og sumir jafnvel á mörkunum....
Meira
11.07.2018 - 17:11 |

gt framvinda gangnavinnu

Framvinduyfirlit
Framvinduyfirlit
« 1 af 3 »
Í viku 27 voru grafnir 80,0 m í göngunum og er því lengd ganganna orðin 2.901,9 m en það er 54,7 % af heildarlengd. Í lok síðustu viku var grafið í sprungu sem var í vinstri veggnum og lak nokkuð af vatni úr henni. Þegar greftri var haldið áfram kom í ljós að um var að ræða misgengi sem liggur skáhalt í gegnum göngin. Við enda misgengisins er svo berggangur sem liggur meira þvert á göngin. Vatnið rennur nú á afmörkuðum stöðum í veggjunum til sitthvorrar handar. Rennslið úr sprungunni er í heildina um 20 l/s og hefur rennslið minnkað aðeins frá því að opnaðist fyrst á vatnsæðina....
Meira
Sa 1 af 463
Eldri frslur
« gst »
S M M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31