Hefja á töku aðgangseyris í lystigarðinn Skrúð í Dýrafirði í sumar. Framkvæmdasjóður garðsins segir þetta nauðsynlegt vegna þess að ekkert framlag hafi fengist frá ríkinu til Skrúðs á síðustu tveimur árum. 
„Það er því nauðsynlegt að tryggja lágmarks þjónustu og uppbyggingu við Skrúð og ekki neitt í augsýn sem gæti tryggt rekstur hans, annað en gjaldtaka við garðinn,“ segir í bréfi þar sem óskað var heimildar  Ísafjarðarbæjar fyrir því að innheimta  aðgangseyri að Skrúði. Rætt er um að upphæðin verði 300 krónur og að gjaldtakan hefjist 17. júní. 
„Til að bregðast við síaukinni umferð ferðamanna um Skrúð er einnig nauðsynlegt að koma upp bráðabirgðasalernisaðstöðu.“...
Meira

Ég er stödd á Tenerife, við fjölskyldan erum að þjófstarta sumrinu,“ segir Eva Laufey Kjaran Hermannsdóttir Gunnarssonar, dagskrárgerðarmaður á Stöð 2 og matarbloggari, en hún á 28 ára afmæli í dag. 

„Ég ætla bara að slappa af í dag og reyna að borða eins mikið af góðum mat og ég kemst yfir. Ef maður hittir á réttu staðina hérna þá er hægt að fá mjög góðan mat. Ég hef gaman af því að prófa mat heimamanna, en oft endum við fjölskyldan á því að fá okkur ítalskan mat, sem öllum finnst góður.“
Eva Laufey er með vikulega matreiðsluþætti á Stöð 2 sem heita Í eldhúsi Evu og einnig er hún með matarblogg....
Meira

Þann 16. maí 2009 varð Dýrfirðingurinn Jó­hanna Guðrún Jóns­dótt­ir í öðru sæti í Evr­ópu­söngv­akeppn­inni með lagið Is it true?

„Ynd­is­leg­ur dýrðardag­ur,“ sagði Páll Óskar Hjálm­týs­son í sam­tali við Frétta­blaðið.

Þegar Jó­hanna Guðrún kom til lands­ins var henni fagnað á Aust­ur­velli „eins og þjóðhetju.“...
Meira

Eins og greint var frá í síðustu viku fóru fulltrúar Ísafjarðarbæjar og Súðavíkurhrepps í opinbera heimsókn til Þórshafnar í Færeyjum í síðustu viku. Pétur G. Markan, sveitarstjóri Súðavíkurhrepps, segir að það hafi verið tilfinningarík stund fyrir súðvískt samfélag að afhenda Færeyingum minnisvarða um vináttu færeysku og íslensku þjóðanna. „Það var gott að geta faðmað frændþjóð og þakkað fyrir ómetanlegan stuðning þegar svartnættið var ríkjandi,“ segir Pétur. Eftir snjóflóðin mannskæðu á tíunda áratugnum stóðu Færeyingar í tvígang fyrir þjóðarsöfnun og söfnunarféð var nýtt til að reisa leikskóla í Súðavík og á Flateyri. „Leikskólinn er hjartað í Súðavík, þökk sé Færeyingum,“ segir Pétur....
Meira

Ríkisstjórnin hefur ákveðið að tillögu umhverfis- og auðlindaráðherra að ráðast í átak í landvörslu í sumar. Verður 160 milljónum veitt aukalega til landvörslu á stöðum í náttúru Íslands sem fjölsóttir eru af ferðamönnum. Um er að ræða 70% aukningu landvarðavikna sem ráðið er í til skemmri tíma.

Aukin landvarsla og umsjón með viðkvæmum svæðum er að mati ráðuneytisins ein skilvirkasta leiðin til að vernda náttúru Íslands nú þegar stefnir í metár í heimsókn ferðamanna til landsins. Viðvera landvarða er einnig öryggismál og er ekki síst mikilvæg á þeim svæðum sem enn vantar upp á að innviðir séu fullnægjandi.

...
Meira

Stjórn Fjórðungssambands Vestfirðinga heldur fundi mánaðarlega að jafnaði og fjallar um málefni fjórðungsins. Síðasti fundur var 3. maí, boðuð dagskrá fundarins var sem hér segir;

1. Fundargerð stjórnarfundar 23. mars 2017

2. Vestfjarðastofa

3. Sóknaráætlun landshluta

4. Málefni aðildarsveitarfélaga FV

5. Fundur með bæjarstjórn Vesturbyggðar

6. 62. Fjórðungsþing Vestfirðinga

7. Umsagnir til Alþingis

8. Landshlutasamtök sveitarfélaga

9. Önnur mál

...
Meira

Fimmti forseti lýðveldisins, Ólafur Ragnar Grímsson, er fæddur á Ísafirði 14. maí 1943. Hann var forseti 1996 - 2016. Foreldrar hans voru Grímur Kristgeirsson og Svanhildur Ólafsdóttir Hjartar. 

Ólafur Ragnar varð stúdent frá Menntaskólanum í Reykjavík árið 1962, lauk BA-prófi í hagfræði og stjórnmálafræði frá University of Manchester árið 1965 og doktorsprófi í stjórnmálafræði frá sama skóla árið 1970, fyrstur Íslendinga til að ljúka doktorsprófi í þeirri fræðigrein.

Ólafur Ragnar Grímsson var skipaður lektor í stjórnmálafræði við Háskóla Íslands 1970 og lagði grunn að kennslu í stjórnmálafræði, þá nýrri námsbraut við Háskóla Íslands. Árið 1973 var hann skipaður fyrsti prófessor við Háskóla Íslands í stjórnmálafræði. Á árunum 1970-1988 mótaði hann kennslu og stundaði rannsóknir í stjórnmálafræði við Háskóla Íslands, einkum á íslenska stjórnkerfinu og tók þátt í alþjóðlegu vísindasamstarfi stjórnmálafræðinga.

Ólafur Ragnar Grímsson lét snemma að sér kveða á vettvangi íslenskra þjóðmála

...
Meira

Húsfyllir var hjá Jóni Kr. Ólafssyni frá Bíldudal og léttsveit á tónleikum  í Jónshúsi í Kaupmannahöfn sunnudaginn 7. maí sl.

Hér koma nokkrar myndir frá skemmtilegum tónleikum með Jóni Kr. Ólafssyni og félögum sem haldnir voru í Jónshús sl. sunnudag.

Eins og sjá má var fullt hús og mikil stemmning....
Meira