A A A
  • 1969 - Ásta Sólveig Gýmisdóttir
  • 1975 - Guðrún Snæbjörg Sigþórsdóttir
  • 1975 - Gunnhildur Þ. Sigþórsdóttir
  • 2001 - Svanhildur Björt Siggeirsdóttir
08.08.2016 - 19:25 | Vestfirska forlagið,Hallgrímur Sveinsson,Guðmundur Ingvarsson

Til umræðu í komandi kosningabaráttu: - 2. grein - Aldingarðurinn Vestfirðir

Lagðprúðar vestfirskar ær raða sér á garðann. Ljósm. H. S.
Lagðprúðar vestfirskar ær raða sér á garðann. Ljósm. H. S.
« 1 af 3 »

Ekki verður annað sagt en Vestfirðir séu einn samfelldur aldingarður til sjós og lands. Fyrir ströndum eru einhver gjöfulustu fiskimið sem þekkjast. Þar eru sauðfjárhagar betri en víða annars staðar í heimi hér. Og vestfirsk náttúra er sér á báti ásamt Vestfirðingum sjálfum. Hér er allt sem mannskepnan þarf á að halda. Þetta vita margir. Samt er eitthvað að.


Fiskurinn í sjónum


   Sum „krummaskuðin“á Vestfjörðum bíða nú örlaga sinna. Þar fækkar fólki, fækkar og fækkar meðal annars vegna þess ómannlega kerfis sem við höfum komið okkur upp en þurfum lífsnauðsynlega að breyta. Sveitarfélögin eru varnarlaus heyrðist nýlega fyrir sunnan. Almannarómur segir skynsamlegast að heimamenn fái að róa til fiskjar með vistvænum veiðarfærum, fiskinum landað heima og unninn þar og hvergi annarsstaðar. En svo kemur þversögnin sem sjaldan er nefnd: Um helmingur starfsfólks í vestfirskum frystihúsum er útlendingar.  Einar Gunnar Einarsson, sýslufulltrúi á Ísafirði, sem margir muna enn, sagði eitt sinn að gamni sínu: „Á Þingeyri vinna menn í fiski, éta fisk og tala um fisk.“ En öllu gamni fylgir nokkur alvara. Þetta bar auðvitað vott um einhæfni, en samt var þetta grundvöllurinn. Hann er enn fyrir hendi: Hafnarmannvirki, vinnsluhús með fiskvinnslusérfræðingum og eitthvað er enn eftir af sjómönnum. Og fiskurinn syndir upp í kálgarða!


 


Fiskeldið

...
Meira
28.07.2016 - 09:30 | Guðmundur Ingvarsson,Hallgrímur Sveinsson,Vestfirska forlagið

Til umræðu í komandi kosningabaráttu: 1. grein. - Bankaleyndin sér um sína menn!

Bankarnir þrír. Ljósm. skuldlaus.is.
Bankarnir þrír. Ljósm. skuldlaus.is.
Hvað merkir orðið bankaleynd? Hin gamla íslenska orðabók Menningarsjóðs segir það skýrum stöfum: Banki er peningastofnun. Að leyna er að dylja, hylja, fela, launung, dul og fleira í þeim dúr. Þar höfum við það. Í skjóli þessarar launungar fara menn sínu fram. Til dæmis eiturlyfjabaróninn. Hann kemur með alla sína vel fengnu peninga, sem hann hefur unnið fyrir í sveita síns andlitis, og lætur leggja þá inn í bankana. Fyrir honum er borin mikil virðing, sem og öðrum sem peninga hafa milli handa. En það má ekki segja frá! Yfirleitt eru það einhverjar tilviljanir sem ráða því hvort upp kemst um hina annars ósnertanlegu fjármálaglæpamenn nútímans, sem stela öllu steini léttara sem þeir geta. Bankaleyndin sér um sína menn!...
Meira
Hannibal Valdimarsson.
Hannibal Valdimarsson.
„Það sem reitt hafði Hannnibal til reiði var að Lýður ýjaði að tvískinnungshætti milli þingmannsins, sem hafði beitt sér fyrir vegarspottanum, og formanns verkalýðsfélagsins, sem hafði lagt blessun sína yfir verkfallið. Hannibal sagðist ekki taka við neinum skipunum frá útsendara vegamálastjóra í þessu máli. Verkstjórinn gæti sjálfur beitt sér fyrir því að leysa verkfallið með því að ganga að sanngjörnum kröfum verkamanna. Lýður lét sér hvergi bregða....
Meira
Hannibal Valdimarsson.
Hannibal Valdimarsson.
« 1 af 2 »
„Hannibal var fæddur í Arnardal við Skutilsfjörð og átti í föðurætt ættir að rekja á Norðurstrandir en móðurætt hans var úr Djúpinu. Hann var meira en meðalmaður á hæð, tággrannur ef ekki þvengmjór framan af ævi eftir myndum að dæma. Hann var vel á sig kominn líkamlega, hvikur í spori og stæltur og svo stálhraustur að enginn í fjölskyldunni minnist þess að honum hafi nokkru sinni orðið misdægurt. Hann var ákafamaður í lund og snar í snúningum. Hann gekk ekki heldur hljóp við fót því manninum lá mikið á. Lítill snáði, sem hann leiddi við hönd sér um götur Ísafjarðar, varð að vera á harðahlaupum til þess að halda í við þennan hraðskreiða kappsiglara....
Meira
03.07.2016 - 22:08 | Hallgrímur Sveinsson,Vestfirska forlagið

Hvað sagði Ásgeir Ásgeirsson um forsetaembættið?

Ásgeir Ásgeirsson.
Ásgeir Ásgeirsson.

Í einni af sínum stórkostlegu samtalsbókum átti Matthías Johannessen tal við Ásgeir Ásgeirsson, sem þá hafði nýlega látið af forsetaembætti. Matthías skrifar svo:


„Stundum heyrast raddir um að það ætti að spara forsetaembættið og fela t. d. forsætisráðherra störf hans. Hvað segir þú um þá tillögu?“


   „Ég á erfitt með að skilja, hvernig fráfarandi forsætisráðherra getur staðið fyrir og borið ábyrgð á myndun nýrrar stjórnar. En stjórnarmyndanir hafa oft reynzt erfiðar hér á landi og dregizt á langinn þó að ég hafi sloppið vel í því efni og ekki þurft nema einu sinni að mynda stjórn án stuðnings meirihluta Alþingis – og þó með nægu hlutleysi.

...
Meira
Kjartan Ólafsson.
Kjartan Ólafsson.
Fróðlegt og ánægjulegt var að heyra í nestor íslenskra sósíalista og fræðimanna, Kjartani Ólafssyni, í sunnudagsþætti þeirra Ævars Kjartanssonar og Jóns Ólafssonar á Rás 1 um síðustu helgi.  Maður nemur hvert orð þegar menn eins og Kjartan taka til máls. Hann fer sjaldan með fleipur. Ýmsum spurningum þeirra félaga svaraði hann á athyglisverðan hátt. Glöggt kom fram að sósíalistar voru á móti Nato og hernum, kom ekki á óvart og þurfti ekki vitna við....
Meira
10.06.2016 - 17:49 | Vestfirska forlagið,Hallgrímur Sveinsson

Þáttur úr sögur Hrafnseyrar - Sigurbjörn Einarsson: - Meistari orðsins og augnabliksins.

3. ágúst 1980 á Hrafnseyri. Frú Vigdís Finnbogadóttir, forseti Íslands, heldur ræðu. Biskupshjónin, Magnea Þorkelsdóttir og Sigurbjörn Einarsson, sitja næst henni. Ljósm.: BIB
3. ágúst 1980 á Hrafnseyri. Frú Vigdís Finnbogadóttir, forseti Íslands, heldur ræðu. Biskupshjónin, Magnea Þorkelsdóttir og Sigurbjörn Einarsson, sitja næst henni. Ljósm.: BIB
« 1 af 14 »

Sá eftirminnilegi maður, herra Sigurbjörn Einarsson biskup, var sannkallaður meistari orðsins. En hann var einnig meistari augnabliksins þegar það átti við.


   Frá því er að segja, að hinn 3. ágúst 1980 var eftirminnilegur dagur í sögu Hrafnseyrar. Þá fóru þar fram mikil hátíðahöld í tilefni af 100 ára dánarafmæli forsetans. Nokkur þúsund manns mættu á svæðið. Sigurbjörn Einarsson vígði þá Minningarkapellu Jóns Sigurðssonar. Við það tækifæri var fjöldi manns var í anddyri kapellunnar og safnsins. Nokkurt skvaldur var þar í gangi sem ekki var beint á dagskrá en olli leiðinda truflun.

...
Meira
01.06.2016 - 21:23 | Vestfirska forlagið,Hallgrímur Sveinsson

„Endurreisn“ Hrafnseyrar í Arnarfirði í sögulegu samhengi - 1. grein

Aðkoma gesta að staðarins húsi þann 25. ágúst 1998. Það voru félagar úr Vestfirðingafélaginu sem upphaflega gerðu garðinn 1980. Og Ágúst Böðvarsson frá Hrafnseyri lagði til margar íslenskar plöntur sem hann safnaði á heiðum uppi. Stéttin var kölluð Prestastétt, til heiðurs vestfirskum prestum. Ljósm. H. S.
Aðkoma gesta að staðarins húsi þann 25. ágúst 1998. Það voru félagar úr Vestfirðingafélaginu sem upphaflega gerðu garðinn 1980. Og Ágúst Böðvarsson frá Hrafnseyri lagði til margar íslenskar plöntur sem hann safnaði á heiðum uppi. Stéttin var kölluð Prestastétt, til heiðurs vestfirskum prestum. Ljósm. H. S.
« 1 af 2 »

Aðal númerið í sambandi 200 ára afmæli Jóns Sigurðssonar 2011 var að „endurreisa“ Hrafnseyri við Arnarfjörð. Þáverandi ríkisstjórn notaði þetta smekklega orð er hún kynnti þjóðinni hugmyndir sínar.  Jón Sigurðsson var settur í rafrænt form í safni sínu, samkvæmt “spennandi tillögu” sem kynnt var með pompi og prakt um land allt. Og nóg af steinsteypu og gleri að vanda. Enginn spurði um kostnað. Verkið kostaði tugi milljóna. Mikil endurnýjun húsakynna hafði farið fram árin á undan. Allt brotið miskunnarlaust niður. Eftir „endurreisnina“ var ljóst að fæðingarstaður Jóns Sigurðssonar var endanlega orðið eyðibýli. Þar hefur enginn átt heimili síðan. Nema rúma þrjá mánuði ársins.


Starf að mestu í sjálfboðavinnu með glöðu geði

...
Meira
25.05.2016 - 20:20 | Vestfirska forlagið,Hallgrímur Sveinsson

Kristín Dahlstedt: - Brautryðjandi úr Dýrafirði sem gerði garðinn frægan

« 1 af 3 »

Fyrir nokkrum árum kom út hjá Vestfirska forlaginu endurútgáfa æfiminninga Kristínar Dahlstedt, veitingakonu, sem fyrst kom út árið 1961 og vakti mikla athygli. Var það Hafliði Jónsson frá Eyrum í Patreksfirði og fyrrum garðyrkjustjóri Reykjavíkur, sem skráði ævisögu Kristínar er þá var orðin 85 ára.


Saga Kristínar er nú talin í hópi merkustu ævisagna kvenna, sem komið hafa út hérlendis, enda brautryðjandi um margt á fyrri hluta síðustu aldar. Hún stundaði sjálfstæðan veitingarekstur í hálfa öld, ekki síst við Laugaveginn í Reykjavík og oftast undir fjallkonunafninu.


Kristín fæddist í Dýrafirði árið 1876 og ung hélt hún til Danmerkur frá Þingeyri með kútternum Daníu. Þá átti hún að baki ástarævintýri með skáldinu frá Þröm – Magnúsi Hjaltasyni, sem Halldór Laxness gerði ódauðlegan sem Ólaf Kárason Ljósvíking í skáldsögunni Heimsljósi. Hún sleit sambandinu þegar Magnús treysti sér ekki til að leggja út fyrir trúlofunarhringjunum.

...
Meira

Yst á Hornströndum Ferðaminningar  frá 1940 eftir Jóhann Hjaltason, fræðimanninn góðkunna, er uppistaðan í þessari Hornstrandabók sem er nr. 5 í röðinni. Það fer ekki á milli mála að frásagnir Jóhanns eru í raun ómetanlegar fyrir þá sem láta sig Hornstrandir og íbúa þeirra einhverju skipta. Árið 1940 er byggðin enn býsna traust, en svo hallar hratt undan fæti. Lýsingar Jóhanns á fólkinu, bændum og búaliði og öllum aðstæðum þar nyrðra, eru skemmtilegar, lifandi og ótrúlega glöggar. Þeir sem ferðast um þessar eyðibyggðir í dag hljóta að fagna því að fá þannig að kynnast frásögnum Jóhanns af síðustu íbúunum yst á Hornströndum. Þær eru góð viðbót við þá mynd sem til er á öðrum bókum.


Komið í Hornbjargsvita

...
Meira
Eldri færslur
« Júní »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30