Kæru félagar; Vetrarstarf Dýrfirðingafélagsins hefst formlega með árshátíðinni okkar þann 20. október nk. Árshátíðin hefur verið einn af föstum dagskrárliðum félagsins í gegnum árin. Nokkur síðustu ár höfum við haldið sameiginlega árshátíð með Önfirðingafélaginu og Súgfirðingafélaginu. Ekki er grundvöllur fyrir slíku samstarfi að þessu sinni en þess má geta að Dýrfirðingar voru langfjölmennastir á sameiginlegum árshátíðum félaganna. Stjórn og skemmtinefnd Dýrfirðingafélagsins ákváðu að leggja það í dóm félagsmanna hvort ekki væri nægur áhugi fyrir árshátíð félagsins og um leið framtíð þess. Það er því undir ykkur komið hvað verður um félagið okkar. Við væntum þess að allir taki höndum saman og mæti á árshátíðina. Hringið í fimm vini og ættingja að vestan, biðjið þá að hringja í aðra fimm og svo koll af kolli. Skemmtinefndin okkar, frábær hópur vaskra karla og kvenna, hefur lagt sig fram um að skipuleggja skemmtun við hæfi allra félagsmanna. Hinn Dýrfirski andi mun svífa yfir vötnum og leiðarljós okkar allra er að ,,Maður er manns gaman" Við hlökkum til að sjá ykkur öll á árshátíðinni!

f.h. stjórnar og skemmtinefndar Bergþóra Valsdóttir

Útgefandi: Dýrfirðingafélagið, Efstasundi 88, 104 Reykjavík s: 588 2812

Aðalfundurinn 2007

61. aðalfundur Dýrfirðingafélagsins var haldinn 15. maí í safnaðarheimili Fella- og Hólakirkju. Að venju var byrjað á að minnast látinna félaga en síðan tóku við hefðbundin aðalfundarstörf. Kosið var í stjórn, skemmtinefnd og kaffinefnd og eru þær þannig skipaðar starfsárið 2007-2008:

Stjórn félagsins:

Bergþóra Valsdóttir, formaður (824-1958)

netfang: bergtora.vals@gmail.com

Páll Elíasson, ritari (865-6546)

Margrét Valsdóttir, gjaldkeri (698-2812)

Guðmundur Hermannsson, meðstjórnandi (897-5706)

Jón Gíslason, meðstjórnandi (861-3349)

Skoðunarmenn reikninga eru Dýri Guðmundsson og Katrín Eiríksdóttir.

Kaffinefndina skipa Kristján Þórarinn Davíðsson, Nína Þórðardóttir, Fríða Regína Höskuldsdóttir, Guðmundur Tómasson, Bjarki R. Skarphéðinsson, Valgerður Tómasdóttir, Elínborg Sigurjónsdóttir og Erla Árnadóttir

Skemmtinefndin er skipuð eftirtöldum félögum: Hanna Ástvaldsdóttir, Helgi Ágústsson, Sveinbjörn Sveinbjörnsson, Sævar Gunnarsson, Pétur H. Ágústsson, Ágúst Ágústsson og Jón Júlíus Tómasson,

Við hvetjum alla félagsmenn til að koma tillögum, ábendingum og óskum um verkefni, uppákomur, fundi o.fl. á framfæri við stjórnarmenn.

DÝRFIRÐINGAFÉLAGIÐ 2

Átthagi - okkar allra!

Átthagi er gott dæmi um verkefni sem félagsmenn Dýrfirðingafélagsins hafa leyst af hugsjón, metnaði og miklum dugnaði. Bygging hans var mikið afrek. Helsta ástæða þess hversu vel tókst til er að fjölmargir félagsmenn og aðrir velunnarar trúðu á verkefnið og lögðu því lið.

Bergur frá Felli og Davíð frá Bakka gerðu klárt í vor og opnuðu bústaðinn og kunnum við þeim bestu þakkir fyrir þeirra framlag. Við viljum líka þakka Ólafíu og starfsfólki Essó skálans á Þingeyri fyrir alla hjálpina með lyklaafhendingar. Margrét Valsdóttir, gjaldkeri félagsins, og Valur Ben fóru vestur snemma í vor, þrifu, báru á pallinn og dyttuðu að ýmsu smálegu.

Átthagi var leigður út í 10 vikur í sumar en hefði mátt vera betur nýttur. Stefnt er að því að útleigan standi undir rekstri og lágmarks viðhaldi. Það er því mjög mikilvægt að að leigutekjurnar skili sér að fullu, aðeins þannig tryggjum við að félagsmönnum bjóðist áfram möguleikinn á að nýta sér sælureitinn í Átthaga.

Við hvetjum ykkur til að hafa þetta í huga þegar þið skipuleggið sumarfríið á næsta ári!

Minningar frá Núpsskóla

Sigurður R. Guðmundsson er að selja safn 5 geisladiska sem geyma upptökur frá ýmsum merkisviðburðum úr sögu Núpsskóla 1957-1965. Þarna bregður fyrir ýmsum mönnum, sem voru áberandi á þessum tíma, svo sem Arngrími Jónssyni, Guðmundi Inga Kristjánssyni, Tómasi Jónssyni o.fl. Diskarnir eru í smekklegri öskju og laglega frá þeim gengið í alla staði. Verð safnsins er kr. 4900.

Áhugasamir geta haft samband við Sigurð R. Guðmundsson, Flétturima 4, s. 8663665 eða Pál S. Elíasson, Kríuhólum 4, s.8656546.

DÝRFIRÐINGAFÉLAGIÐ 3

Árshátíð Dýrfirðingafélagsins 20. október í Fóstbræðraheimilinu, Langholtsvegi 109-111, Reykjavík. Húsið opnar kl. 19:00. Borðhald hefst stundvíslega kl. 20:00

Í ár verður matseðillinn á þessa leið:

Lax í coriander- og piparhjúp með avocadokremi

og balsamicsýrópi

Lambalæri með kryddjurtagljáa/Nautalund "Wellington" með piparsósu, kartöfluterrine með hvítlauk, steiktri grænmetisblöndu með íslensku grænmeti, og fersku salati.

Kaffi

Minni Dýrafjarðar flytur Sigrún Stefánsdóttir.

Uppákomur, gleði og söngur eins og Dýrfirðingum einum er lagið.

PP dansbandið spilar og sér um fjörið á dansgólfinu.

Verðið er að vanda stillt í hóf og er aðeins kr. 5.500 á manninn. Aðgöngumiði gildir sem happdrættismiði og fjöldi veglegra vinninga!! Eftir borðhald og skemmtun verður selt á ballið, eins og hægt er vegna plássins, á 1.500 krónur á mann.

Forsala aðgöngumiða verður í Fóstbræðraheimilinu laugardaginn 13. okt. kl. 12:00 - 14:00 og fimmtudaginn 18. okt. kl. 18:00-20:00. Hægt er að taka frá sæti og borð, fyrstur kemur fyrstur fær !