Veitingahornið er staðsett á Hafnarstræti 2. Þar er boðið upp á veitingar af matseðli og einnig er hægt að panta pizzur. Á Veitingahorninu er einnig bar, og þar er hægt að horfa á hina ýmsu íþróttaviðburði af skjávarpa.

Í söluskála N1 er hægt að kaupa allar helstu nauðsynjavörur. Þar er líka hægt að kaupa alls kyns góðgæti af grillinu, svosem samlokur og hamborgara.

Simbahöllin er heimilslegt kaffihús sem opnaði á Þingeyri sumarið 2009 á Fjarðargötu 5. Húsið var byggt árið 1908 og hýsti lengi vel verslun Sigmundar Jónssonar kaupmanns. Árið 2006 hófu núverandi eigendur framkvæmdir á húsinu og úr varð þetta notalega kaffihús. Á kaffihúsinu er m.a. hægt að gæða sér á heitu súkkulaði og belgískum vöfflum.
Hægt er að gerast aðdáandi Simbahallarinnar á Facebook.

Hótel Sandafell er 2ja hæða nýuppgert gisti- og veitingahús á Hafnarstræti 7. Á hótelinu er veitingasalur sem rúmar 80 manns í sæti og á sumrin er þar boðið upp á góðan mat á sanngjörnu verði.