Hótel Sandafell er 2ja hæða nýuppgert gisti- og veitingahús á Hafnarstræti 7. Húsið var byggt í kringum 1947 og hýsti áður Kaupfélag Dýrfirðinga. Á hótelinu eru 14 herbergi, þar af 2 fjölskylduherbergi. Öll herbergin eru rúmgóð, hafa sjónvarp og 9 þeirra hafa sér snyrtiaðstöðu. Gestir hafa einnig aðgang að þráðlausu interneti. Á hótelinu er einnig veitingasalur sem rúmar 80 manns í sæti, og á sumrin er þar boðið upp á góðan mat á sanngjörnu verði.

Hótel Núpur er í notalegum skólabyggingum í Dýrafirði, umvafinn tignarlegum fjöllum með ólýsanlegu útsýni yfir fjörðinn. Á hótelinu eru 36 eins til tveggja manna herbergi og 4 fjölskylduherbergi. Sturtur og baðherbergi eru sér fyrir hvort kyn - að jafnaði deila 8 herbergi með sér hreinlætisaðstöðu. Handlaugar eru inná hverju herbergi.
Á hótelinu eru fjórar kennslustofur þar sem hægt er að bjóða uppá svefnpokagistingu fyrir hópa. Hver stofa tekur frá 6-12 manns í gistingu á dýnum. Á hótelinu eru einnig 3 eldhús þar sem boðið er upp á eldunaraðstöðu fyrir hótelgesti sem ekki vilja nýta sér veitingarsal hótelsins.

Gistiheimilið Vera er staðsett á Hlíðargötu 22. Þar er vel útbúin aðstaða á neðri hæðinni fyrir einstaklinga eða fjölskyldur. Gistiheimilið er ekki með heimasíðu en hægt er að bóka herbergi í s. 456-8232 eða á netfanginu skuli@snerpa.is. Gistiheimilið er opið allan ársins hring.

Gistihúsið Við Fjörðinn er á Aðalstræti 26 á Þingeyri. Í gistihúsinu er góð aðstaða fyrir hópa og einstaklinga, í herbergjum eða íbúðum. Þar er einnig góð aðstaða fyrir hreyfihamlaða og íbúð þar sem sérstakt tillit er tekið til fólks í hjólastólum. Gistihúsið er opið allt árið.