02.01.2015 - 09:13 | Gunnhildur Björk Elíasdóttir.
Gunnhildur Björk Elíasdóttir: - Smá áramótahugleiðing
Gunnhildur Björk Elíasdóttir.
Sú varð nú heldur betur raunin og ég held ég gleymi aldrei símtalinu þegar ég var beðin að taka sæti á Í-Listanum, ég hummaði og hikstaði, var stödd í Reykjavík og sagðist skyldi hugsa málið og vera í sambandi þegar ég kæmi heim, ja kanski einhversstaðar neðarlega á listanum, veit ekki.
Allir vita svo hvernig framhald þessarar sögu var. Í fimmta sætið sættist kerlan á að setjast, svolítið stressuð vegna þess að þetta sæti er náttúrlega meirihlutasæti og þótt ég væri nú ekkert allt of vongóð þá viðurkenni ég að eftir því sem á leið varð þetta alltaf meira og meira spennandi og líka mjög gaman.
Að sitja í bæjarstjórn er ábyrgðarmikið starf og lærist ekki á nokkrum vikum, heldur er stöðugt verið að takast á við ný og ný verkefni, og að halda heilu bæjarfélagi, þar sem atvinnuástand er ekki gott, það er mjög krefjandi en að sama skapi mikil áskorun að takast á við með góðum hópi bæjarfulltrúa.
Að kynnast öllu því góða fólki sem ég hef kynnst frá því ég samþykkti að taka þátt í þessu verkefni, það hefur verið mér mjög lærdómsríkt. Þá er ég að tala um bæði samherja og mótherja, alla fundina, kjósendur og alla þá íbúa sveitarfélagsins sem ég hef hitt á þessari leið minni. Öllu þessu fólki vil ég þakka fyrir samfylgdina á árinu 2014 og vona og veit að við eigum eftir að eiga gott ár 2015, með mörgum og góðum tækifærum, því að þegar við leggjumst öll saman á árar þá gerast hlutirnir.
Óska öllum íbúum Ísafjarðarbæjar, nær og fjær gleðilegs og kærleiksríks árs og hlakka til að hitta ykkur á nýju ári.
Gunnhildur Björk Elíasdóttir, bæjarfulltrúi Í-listans.
