Táknræn mynd frá Hornströndum. Tekin í ferðalagi skáta úr Skátafélaginu Hamri í Grafarvogi 2006. Ljósm.: Einar Gunnarsson.

Það eru skiptar soðanir um komugjöld ferðamanna. Sumir telja þau arfavond, einkum þeir sem maka krókinn í þjónustunni við erlenda ferðafólkið. Sumir landsþekktir ferðaþjónar fullyrða að 3000 – 5000 króna gjald sem ferðafólkið mundi greiða í aðgangseyri að náttúrulistasalnum Íslandi sé bara af hinu góða. Samkvæmt skoðanakönnunum er allt að helmingur erlendra ferðamanna hlynntur komugjöldum í einhverri mynd. Það þarf bara að vera klárt að fjármunirnir renni til uppbyggingar innviða.

   Þann 1. júní s. l. gengu í gildi lög í Noregi um að tekið skyldi komugjald af ferðamönnum til landsins. Þetta er um 1,300,- kr. gjald. Ekki höfum við frétt hvernig því hefur reitt af hjá frændum vorum. Hitt var í fréttum í sumar í viðtali við ráðherra ferðamála á Íslandi, að Íslendingar mættu ekki leggja á komugjöld, eða eitthvað í þá áttina. Nú, hvers vegna þá? Svarið var að það væri bannað samkvæmt EES samningnum. Svo horfum við upp á það að Norðmenn leggja á komugjöld hjá sér. Eru þeir þó fullgildir aðilar að EES samkomulaginu!