Forsíða
Hafa samband
English
A A A
  • 1926 - Jökull Sigtryggsson
  • 1946 - Katrín Eiríksdóttir
  • 1979 - Sólveig Eirný Sveinsdóttir
03.02.2015 - 21:33 | bb.is

Vinna úr 7 til 9 þúsund tonnum á ári

Frá Dýrafirði og Þingeyri lengst til hægri.
Frá Dýrafirði og Þingeyri lengst til hægri.
Fyrirtækið Íslenskt sjávarfang ehf. hefur sótt um aflaheimildir Byggðastofnunar, bæði á Flateyri og á Þingeyri. Rúnar Björgvinsson, framkvæmdastjóri vill ekki gefa upp um áform fyrirtækisins á Flateyri og Þingeyri að svo stöddu. „Við viljum ekki úttala okkur mikið um það fyrr en það liggur fyrir hverjir verða valdir,“ segir Rúnar. Fyrirtækið er ekki með þekktari sjávarútvegsfyrirtækjum á landinu en er stórt á vestfirskan mælikvarða. Rúnar segir að rúmlega 100 manns vinni hjá fyrirtækinu og undanfarin ár hefur verið unnið úr 7 til 9 þúsund tonnum af fiski á ári í fiskvinnslu Íslensks sjávarfangs í Kópavogi. 

Stjórnendur Íslensks sjávarfangs hafa verið í sambandi við fyrirtæki fyrir vestan með samstarf í huga fari það svo að Byggðastofnun gangi til samstarfs um nýtingu á aflaheimildum stofnunarinnar. Aðspurður segir Rúnar að honum sé ekki kunnugt um hvenær ákvörðun liggi fyrir. „Byggðastofnun tekur sér bara þann tíma sem þurfa. Við höfum ekki verið neitt að básuna þessa hlutum, við viljum frekar láta verkin tala,“ segir hann. 

Á Þingeyri hefur Byggðastofnun allt að 400 þorskígildistonn til umráða og á Flateyri 300 þorskígildistonn. Tveir sóttu um Þingeyrarkvótann, Íslenskt sjávarfang og Útgerðarfélagið Otur. Þrír sóttu um Flateyrarkvótann, Íslenskt sjávarfang, Valþjófur ehf. og sameiginlega umsókn nokkurra fyrirtækja heimamanna. 
Til baka
« Apríl »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Eldri spurningar & svör