A A A
  • 1968 - Viktor Pálsson
  • 1994 - Ţórđur Sigmundur Ragnarsson
Kristján Gunnarsson viđ rennibekkinn
Kristján Gunnarsson viđ rennibekkinn

Kristján Gunnarsson frá Hofi í Dýrafirði tók við arfleifð þeirra smiðjufeðga, Guðmundar og Matthíasar, árið 1995, eftir fráfall Matthíasar. Fyrirtæki þeirra Vélsmiðja Guðmundar J. Sigurðssonar og co hf á Þingeyri, sem var landsfrægt og einnig þekkt langt út fyrir landsteinana, hafði þá starfað í rúm 80 ár. Kristján hefur rekið fyrirtæki sitt, Véla og bílaþjónustu Kristjáns ehf, frá þeim tíma í smiðjuhúsunum á Þingeyri. Kristján var einn af smiðjudrengjunum sem gerðu garðinn frægan um land allt. Smiðjan á Þingeyri er einstök á heimsvísu. Þær eru ekki margar þjóðirnar, ef nokkrar, sem eiga slíka gersemi.

Skemmst er frá að segja, að Kristján frá Hofi hefur farið með smiðju þeirra feðga á Þingeyri eins og sjáöldur augna sinna. Þar er allt með ummerkjum. Ennþá eru gömlu reimdrifnu vélarnar frá fyrstu tíð í gangi. Og annað eftir því. Með Kristjáni vinnur sonur hans, Róbert Daníel. Þó þeir séu yfirleitt bara tveir að verki, feðgarnir, þá er enn steyptur málmur í málmsmiðjunni, eldsmíði upp á fornan máta er enn viðhöfð og jafnvel haldin námskeið í þeim fræðum. Bátaviðgerðir, bílaviðgerðir og nefndu það bara. Stórmerkileg þjónusta við samfélagið og minnir á forna frægð.

Eiginkona Kristjáns er sómakonan Alda Sigurveig Sigurðardóttir og eiga þau 3 börn.

Við bræðurnir og Gaui veitum Kristjáni Gunnarssyni, vélvirkjameistara á Þingeyri, hrós dagsins með heiðri og sóma.

« September »
S M Ţ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30