A A A
99 vestfirskar ţjóđsögur
99 vestfirskar ţjóđsögur
Í yfirstandandi jólabókaflóði eru 99 vestfirskar þjóðsögur 3. hefti, sem Finnbogi Hermannsson tók saman að þessu sinni, söluhæsta bókin hjá Vestfirska forlaginu. Strandamenn í blíðu og stríðu, 100 gamansögur af Strandamönnum, sem Strandamaðurinn Kristjón Kormákur Guðjónsson tók saman, fylgir henni þó fast eftir. Er greinilegt á þessu, að Vestfirðingar og aðrir þeir sem kaupa Bækurnar að vestan, vilja halda uppi gamanmálum og verður það að teljast skiljanlegt í skammdeginu og miðað við þá alvörutíma sem við lifum nú um stundir.

 

Mikil eftirspurn er eftir öðrum bókum forlagsins. Má þar nefna bækur eins og Húsið Ljósbrot frá Ísafirði, eftir Hörpu Jónsdóttur, en hún er í bókaflokknum Litlu bækurnar, Bær við árnið kenndur, eftir Jón Þór Benediktsson að ógleymdri Melódíum minninganna eftir Hafliða Magnússon og frá Bjargtöngum að Djúpi sem orðinn er klassískur bókaflokkur fyrir Vestfirðinga og aðra sem áhuga hafa á Vestfjörðum.

 

Þess skal getið, að tvær bækur Vestfirska forlagsins hafa verið endurprentaðar að þessu sinni. Frá því að stafræn prentun kom til sögunnar, er hægt að endurprenta bók á allt að einum sólarhring. Það gerðist um daginn með bókina Vaskir menn eftir Guðmund Guðna Guðmundsson. Var það Prentsmiðjan Leturprent í Reykjavík sem stóð svo vasklega að verki.

« Október »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31