23.05.2016 - 20:43 | Hallgrímur Sveinsson,Vestfirska forlagið
Varað við snjóhengju!
Snjóhengja í Hrafnseyrarheiði. Þetta getur farið af stað hvenær sem er eftir því sem leikmenn ímynda sér. Ljósm. H. S.
Að norðanverðu í Hrafnseyraheiðinni er mikil snjóhengja á einum stað. Viljum við hjá Þingeyrarvefnum benda mönnum á að stoppa alls ekki undir henni. Hún getur farið af stað hvenær sem er. Sjá meðf. myndir.
Um daginn stóðu útlendingar undir hengjunni við myndatöku. Slíkt er auðvitað fáránlegt. En það er bara einn liður í andvaraleysi okkar Íslendinga við móttöku erlendra ferðamanna. Við gleymum að mestu leyti að vara þá við þeim hættum sem á landinu felast. En að græða á þeim! Það ætlum við að gera.
