Edinborgarhúsið glæsilega á Ísafirði sem Dýrfirðingurinn Rögnvaldur Ólafsson teiknaði.

Vorsýning nema á Lista- og Nýsköpunarbraut Menntaskólans á Ísafirði, verður haldin á ganginum í Edinborgarhúsinu í dag, fimmtudaginn 18. maí 2017,, klukkan 17.

Þar gefur að líta afrakstur nemanda úr margmiðlun- og listaáföngum annarinnar og stendur sýningin aðeins þennan eina dag.

Undanfarinn vetur er sá fyrsti sem kennt er á lista- og nýsköpunarbraut við skólann og er þar lögð áhersla á listir og nýsköpun. Brautin var stofnuð með það í huga að breikka námsframboð skólans og höfða til þeirra nemenda sem sækja um skólavist og hafa sérstakan áhuga á listum og (ný)sköpun.

Brautinni lýkur með framhaldsskólaprófi eftir 120 f-einingar en nemendur geta haldið áfram námi til stúdentsprófs.