24.03.2016 - 07:06 | Vestfirska forlagið,Emil Ragnar Hjartarson
VEGAGERÐ OG JARÐARFARIR
Bundið slitlag var bylting. Við kölluðum þetta að" teppaleggja" Af sú tíð þegar vegagerðarmenn heilsuðu sömu holunum eins og gömlum kunningjum, ár eftir ár.
Allir, eða kannske langflestir, tóku þessu nýmæli með fögnuði .Horfin sú öld þegar vissara þótti að taka út úr sér fölsku tennurnar áður en lagt var upp í ferð um holukransa malarvegarins. Sumir kviðu auknum ökuhraða.
Við vorum að undirbúa " teppalagningu" í Hvammi í Dýrafirði.. Bændurnir í Lægsta-Hvammi við vinnu sína í nánd við veginn, sem lá svo að segja um hlaðið á bænum. Í stundarhléi tókum við tal saman og ég hafði orð á að nú væru þeir lausir við rykið af malarveginum svona rétt undir stofugluggunum.
Það stóð ekki á svari: " Þeim á eftir að fjölga jarðarförunum"
Það lítur hver sínum augum á silfrið.
Af Facebokk-síðu Emils Ragnars Hjartarsonar.
