19.07.2016 - 06:23 | bb.is,Vestfirska forlagið
Útsýnispallar komnir upp við Dynjanda
Útsýnispallurinn við Göngumannafoss. Mynd: Umhverfisstofnun.
Ferðafólki sem kemur að Dynjanda hefur fjölgað mjög hratt undanfarin ár með aukinni kröfu um betri innviði við þetta fagra náttúruvætti. Í haust verður framkvæmdum haldið áfram er lagður verður göngustígur að pöllunum og aðstaða bætt á bílastæði.
Með þessu átaki Umhverfisstofnunar í innviðauppbyggingu er meginmarkmiðið að tryggja verndun svæðisins með því að draga úr álagi á lífríki svæðisins og þá sérstaklega gróður. En einnig að auka öryggi, aðgengi og upplifun ferðamanna af náttúruvættinu Dynjanda.
