Fjallið Skeggi upp af bænum Hrafnabjörgum. Ljósm.: H. S.

Ja, þetta er ekki beinlínis greiðfært, nema þá fyrir sauðkindina. Hún sést nú þarna reyndar ef vel er að gáð. Ljósm.: Valdimar Steinþórsson.

Í forgrunni Skeggjanna eru fjárhús Guðmundar V. Ragnarssonar bónda á Hrafnabjörgum. Hann var einhver mesti sauðfjársérfræðingur hér um slóðir. Viðurkenndur sem slíkur. Bifreið hans, Lýsingur, stendur enn uppi fyrir framan fjárhúsin. Ljósm.: H. S.

Fyrir neðan Skeggja heitir á einum stað Grísavík. Þar eru enn sjánlegar leifarnar af dráttarvél sem ber nafnið Case ef vel er að gáð. Sjónhending þaðan var kartöflugaður Sigríðar Ragnarsdóttur, sauðfjárbónda á Hrafnabjörgum. Þetta fólk vissi margt um sauðkindina, sem sumir telja merkustu skepnu þessa lands, að manninum ekki undanskildum . Ljósm.: H. S.

« 1 af 5 »

Innan við Lokinhamradal er fjallið Skeggi, eitt svipmesta og hrikalegasta fjall í Auðkúluhreppi segir Þórður Njálsson í Árbók Ferðafélagsins 1951. Jafnframt segir Þórður að uppi á honum sé víðáttumikil flatneskja og er þar all mikill gróður. Þar heitir því stórkostlega fallega nafni Veturlandafjall.  

Vestur úr ókleifu hengiflugi Skeggjans gengur fjallsöxl sem er mjög miklu lægri en hann. Hún heitir Lægri-Skeggi, og gerir hún fjallið enn einkennilegra en það væri ella, segir Guðmundur G. Hagalín.  Þar heitir og Þumall. 

Mynd af fjallinu Skeggja hefur komið út á fallegu frímerki. En hvað skyldi hann vera margra metra hár yfir sjávarmáli?