Mosdalur í Arnarfirði. Ljósm.: Mats Wibe Lund.

   Í þriðja hefti Vestfirskra sagna er sagt frá Jóhannesi Ólafssyni í Mosdal á yfir 40 síðum, en hann bar höfuð og herðar yfir alla galdramenn í Arnarfirði á 19. öld og þó víðar væri leitað. Hann notaði kunnáttu sína yfirleitt til að hjálpa fólki og hefur greinilega verið mikill húmoristi og skal nú nefna nokkur dæmi um það næstu daga hér á Þingeyrarvefnum.

Kveðjur Jóhannesar.

Einu sinni veiktist kýr á bæ í grennd við Jóhann­es. Héldu menn, að það mundi vera af óhreinum anda. Var nú leitað til Jóhannesar og hann beðinn að reka hinn illa anda út af kúnni. Jóhannes mælti, að farið skyldi í fjósið og kallað hátt þessum orðum: ,Jó­hannes á Kirkjubóli biður að heilsa kúnni.” Þetta var gert, eins og bann mælti fyrir, og batnaði kúnni.