03.11.2009 - 15:01 | BB.is
Umferð eykst með tilkomu Dýrafjarðarganga
Dýrafjörður.
Þar kemur einnig fram að nokkrar minjar eru nálægt vegstæðinu og sumar verða innan við 20 m frá miðlínu vegar. Vegagerðin gerir ráð fyrir að merkja allar minjar innan 100 m frá miðlínu vegar og verja þær sérstaklega ef þess gerist þörf. Garðlag í Arnarfirði sem að hluta til var skemmt við síðustu vegaframkvæmdir gætu hugsanlega raskast. Í Dýrafirði fer vegurinn yfir minjar sem taldar eru vera bátaskýli og mun það því eyðileggjast. Í heildina litið eru þó áhrif framkvæmdarinnar á minjar óveruleg. Framkvæmdin mun hafa lítil áhrif á þéttleika varpfugla á svæðinu. Mikilvægum búsvæðum fugla verður ekki raskað og engum válistategundum stafar hætta af framkvæmdinni. Áhrif framkvæmdarinnar á fuglalíf eru óveruleg.
Frá Kjaransstaðareyri og að vegfyllingu Dýrafjarðarbrúar mun vegurinn liggja um efri hluta fjörunnar. Mesta skerðingin á fjörunni verður efst og um miðbik hennar. Efsti hlutinn er lífminnstur en um miðbikið byrjar þangbeltið sem er lífmeira. Fjaran er klóþangsfjara en slíkar fjörur eru einnig fyrir innan eyrina. Áhrifin eru óveruleg/talsverð neikvæð.
