Þingeyri við Dýrafjörð Ljósm.: Mats Wibe Lund.

Íslenskt sjávarfang skuldbindur sig til að vinna úr að minnsta kosti tvö þúsund þorskígildistonnum á ári í fiskvinnslu félagsins á Þingeyri og veita a.m.k. 30 manns heilsársvinnu. Fyrirtækið festi í vetur kaup á eignum Vísis hf. á Þingeyri og hefur þegar hafið vinnslu á staðnum.

Vonir standa til að með þessu samkomulagi sé lagður grunnur að aukinni byggðafestu á Þingeyri og að stöðugleiki komist á eftir brotthvarf Vísis hf. af staðnum, segir á vef Byggðastofnunar.

Samkomulag um aflamark Byggðastofnunar er nú í gildi á eftirtöldum Níu stöðum: Bakkafirði, Breiðdalsvík, Djúpavogi, Drangsnesi, Hrísey, Raufarhöfn, Suðureyri, Tálknafirði og Þingeyri.

Morgunblaðið 14. maí 2015