Þorláksmessa og sálmur
Þorláksmessa á dánardegi hins sæla Þoláks Þórhallssonar, biskups og sérstaks verndardýrlings Íslands síðan 1985 að boði páfa , Þorlákur þótti snemma efnilegur og var sagt um hann á unglingsaldri að hann væri "ungur að árum en gamall að ráðum"--hann var kraftaverkamaður í betra lagi og framdi mörg undur um ævina, blessaði fólk og fénað, útihús og híbýli manna, blessaði lögun landabruggarans svo rétt gerjaðist en ekki fúlnaði.
Hann blessar áreiðanlega skötuna óbeðinn svo hún kæsist vel en ekki úldni.
Þorlákur,biskup, hann blessaður sé
sem blessaði þegna alla
Hann blessaði kýrnar, hann blessaði fé
Hann blessaði skreiðarhjalla
Hann blessaði líka bruggarans starf
svo bragðgóð yrði hans vara
Máttaverka hans minnast þarf
og mjöðinn ekki spara
Svo skulum við heiðra þann heilaga klerk
og hylla á andlátsdaginn
Ekki að lasta þótt lyktin sé sterk
sem, leggur um allan bæinn
Af Facebook-síðu Emil R. Hjartarsonar
