02.10.2015 - 20:44 | bb.is,BIB
Þingeyri: -Verkstjóri og rekstrarstjóri reknir
Þingeyri við Dýrafjörð.
Íslenskt sjávarfang tók við rekstri frystihússins á Þingeyri í vor eftir að Vísir hætti vinnslu í plássinu. Fyrirtækið rekur vinnsluna samkvæmt samkomulagi við Byggðastofnun um nýtingu á aflaheimildum stofnunarinnar.
„Það var ekki draumur okkur að þessir aðilar fengu kvótann og vinnsluna. Við höfðum meiri trú á Ísfirðingunum,“ segir Hafþór. Byggðastofnun auglýsti Þingeyrarkvótann í tvígang. Í fyrra skiptið sótti Valþjófur ehf. um kvótann en Byggðastofnun hafnaði umsókn fyrirtækisins. Í seinna skiptið sóttu Íslenskt sjávarfang og Útgerðarfélagið Otur ehf. um kvótann en Otur stundar útgerð á Ísafirði.
Hafþór segir að starfsemi Íslensks sjávarfangs á Þingeyri hafi gengið upp og ofan. „Það er fyrst núna að það er verið að vinna fisk að einhverju ráði, fyrir utan makrílfrystinguna í sumar.“
Hann segir að nánast engum fisk sé landað á Þingeyri heldur sé honum landað vítt og breitt um landið og keyrt með hann til Þingeyrar. „Trillurnar lönduðu hérna í sumar en fiskinum var öllum trukkað suður,“ segir Hafþór.
