Þingeyrarfrændurnir af Proppéætt sem sitja á Alþingi Íslendinga eftir síðustu kosningar..

Kol­beinn Ótt­ars­son Proppé kem­ur inn sem nýr þingmaður fyr­ir Vinstri græna. Hann verður ekki sá eini úr sinni fjöl­skyldu á þingi því þar er fyr­ir fyr­ir Ótt­arr Proppé, formaður Bjartr­ar framtíðar, en þeir eru bræðra­syn­ir.

Þótt Kol­beinn komi nýr inn á þing hef­ur hann áður verið í fram­boði fyr­ir Vinstri græna. Í kosn­ing­un­um árið 2003 leiddi hann lista Vinstri grænna í Suður­kjör­dæmi en flokk­ur­inn náði ekki manni á þing í kjör­dæm­inu í þeim kosn­ing­um. Flokk­ur­inn hlaut 8,8% at­kvæða og fékk fimm þing­menn kjörna. Kol­beinn var í öðru sæti á lista Vinstri grænna í Reykja­vík suður fyr­ir kosn­ing­arn­ar nú.

Óttar Proppé hef­ur setið á þingi fyr­ir Bjarta framtíð frá ár­inu 2013 sem þingmaður Reykja­vík­ur. Í kosn­ing­un­um nú er hann hins veg­ar í Suðvest­ur­kjör­dæmi, Krag­an­um. Áður hafði hann verið borg­ar­full­trúi fyr­ir Besta flokk­inn frá 2010. Kol­beinn hef­ur einnig komið að borg­ar­mál­um en hann tók sæti á lista Reykja­vík­urlist­ans árið 2002 og var vara­borg­ar­full­trúi.

Ótt­arr er fjór­um árum eldri en Kol­beinn.

Í viðtali við Frétta­blaðið í janú­ar 2003 seg­ir Kol­beinn Ótt­arr frænda sinn og Krist­in „stuð“ Styr­kárs­son Proppé „fara fremsta í flokki þeirra sem haldið hafa Proppé-nafn­inu á lofti“.