A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
11.11.2016 - 21:14 | bb.is,Vestfirska forlagið

Þín Þingeyri

Það er margt hægt að bralla með gamla tanka.
Það er margt hægt að bralla með gamla tanka.
« 1 af 2 »
Í byrjun ágúst birtust á Þingeyri fjórir ungir landslagsarkitektar, komu sér fyrir í gömlu húsi á Þingeyri og hófu að rannsaka líf og starf íbúa í þessu fallega þorpi. Þetta unga fagfólk hafði á ferð sinni um Ísland í fyrra tekið ástfóstri við landið og vildu koma til baka, nýta sína faglegu þekkingu og skila uppbyggilegu verkefni inn í samfélagið. Þau ákváðu að nýta sumarfríið sitt til þess arna og endurgjald er aðeins góð reynsla. 

Að velja Þingeyri sem viðfang var ekki óvart eða tilviljun. Allir bæir á Vestfjörðum, en þau höfðu ákveðið að á Vestfjörðum skyldu þau vera, voru skoðaðir og metnir og Þingeyri var svo heppin að skara framúr og í kjölfarið valið sem viðfang í verkefninu þeirra. 

Vestfirðir voru áhugaverðir að þeirra mati, ekki síst vegna þess að þeim fannst kjálkinn nokkuð frábrugðinn öðrum svæðum á Íslandi, fámennið, veðrið og svo tækifærin sem felast í aukningu á ferðamönnum. Samgöngubætur sem nú glyttir í muni breyta Þingeyri til frambúðar og nú er tíminn til að ákveða stefnuna því það skipti máli að vera viðbúin þróuninni og takast á við hana í sátt við samfélagið. 

Þess vegna komu þau á Þingeyri, til að gera gagn, nýta sína faglegu þekkingu, njóta stórbrotinnar náttúru og kynnast Þingeyringum. 

Í blaði vikunnar er nánar gert grein fyrir skemmtilegum tillögum hópsins sem svo sannarlega er ástæða til að skoða. 


« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31