A A A
  • 1935 - Soffía Einarsdóttir
29.08.2017 - 17:48 | bb.is,Björn Ingi Bjarnason,Hallgrímur Sveinsson,Vestfirska forlagið,Elsa Lára Arnardóttir

TEIGSSKÓGUR: - LAGASETNING ORÐIN EINA FÆRA LEIÐIN

Elsa Lára Arnardóttir, þingmaður Framsóknarflokks í Norðvesturkjördæmi. Jón Sigurðsson á vegg og fylgist með.
Elsa Lára Arnardóttir, þingmaður Framsóknarflokks í Norðvesturkjördæmi. Jón Sigurðsson á vegg og fylgist með.

Elsa Lára Arnardóttir, þingmaður Framsóknarflokks í Norðvesturkjördæmi, segir að lagasetning vegna veglagningar í Teigsskógi sé orðin eina færa leiðin til að höggva á hnútinn.

Þetta kemur fram í aðsendri grein á bb.is í dag. Í greininni rifjar hún upp á hausti 2014 funduðu þingmenn kjördæmisins með þáverandi samgönguráðherra. Að sögn Elsu Láru voru ýmsar leiðir lagðar fyrir fundinn til að finna aðferð sem yrði til þess að hægt væri að byrja vegalagningu sem fyrst.

„Flestir þingmenn kjördæmisins, ef ekki allir, vildu fara í lagasetningu til að höggva hnút á þá stjórnsýsluflækju sem nýr vegur um Teigsskóg er. Samkvæmt þeim svörum sem þingmenn fengu á fundinum þá átti endurupptaka á fyrra umhverfismati að vera stysta leiðin í átt að settu markmiði. Það ferli tæki innan við 18 mánuði og vegaframkvæmdir gætu hafist á árinu 2016,“ segir í greininni.

Eins og alþjóð veit eru jarðýturnar ekki farnar af stað í Gufudalssveit og nýverið kom fram að það skýrist ekki fyrr en seint á næsta ári hvort og hvenær framkvæmdir geta hafist.

Elsa Lára segir að málið sé enn á byrjunarreit og ekkert staðist sem rætt var um á fyrrnefndum fundi.

„Áætlanir hafa ekki gengið upp og því virðist lagasetning vera orðin eina færa leiðin. Það er ábyrgðarhlutverk okkar þingmanna Norðvesturkjördæmis að ganga í málið og koma þessu mikilvæga samgönguverkefni áfram. Þetta getur ekki gengið svona lengur,“ skrifar Elsa Lára.




« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31