Styrkir til menningarsamstarfs milli Noregs og Íslands
Þeir sem starfa á sviði lista og menningar í Noregi og á Íslandi geta sótt um styrki til samstarfsverkefna sem stuðla að fjörbreytilegu samstarfi á því sviði. Næsti umsóknarfrestur er til15. desember 2016.
Norsk stjórnvöld leggja árlega fram fé til að styrkja menningarsamstarf milli Íslands og Noregs. Listamenn og aðrir sem starfa við menningarmál, menningarstofnanir og samtök bæði íí Noregi og Íslandi geta sótt um styrk. Verkefni sem fá styrk verða að teljast mikilvæg í báðum löndum, þurfa að vera skipulögð sem samstarfsverkefni þar sem aðilar í báðum löndum leggja til menningarlegt innihald og/eða úrvinnslu og framkvæmd. Þau verkefni hafa forgang sem líkleg eru til að leiða til varanlegra tengsla milli einstaklinga, samtaka og stofnana, einnig eftir að verkefni lýkur. Verkefnin skulu endurspegla fjölbreytt listræn form og hafa í senn skírskotun til sögunnar og samtímans.
Umsækjendur verða að fylla út umsóknareyðublað á vef Norsk kulturrad
Æskilegt er að umsóknir séu ritaðar á norsku, dönsku, sænsku eða ensku.
Umsóknarfrestur um styrki rennur út þann 15. desember nk.
Nánari upplýsingar eru á síðu mennta- og menningarmálaráðuneytis um norsk - íslenska menningarsamstarfið .
