10.11.2016 - 11:09 | Vestfirska forlagið,Stjórnarráðið,bb.is
Starfsleyfistillaga fyrir 4.000 tonna laxeldi í Dýrafirði
Dýrafjörður: Samkvæmt burðarþolsmati þolir Dýrafjörður 10 þúsund tonna fiskeldi.
Samkvæmt starfsleyfistillögunni verður Arctic Sea Farm heimilt að framleiða lax í kynslóðaskiptu eldi í sjókvíum á þremur svæðum í Dýrafirði: Haukadalsbót (2.000 tonn), við Gemlufall (2.000 tonn) og við Eyrarhlíð (2.000 tonn).
Eldið er að jafnaði á tveimur sjókvíaeldissvæðum í senn en eitt svæði hvílt milli eldislota að lágmarki í sex til átta mánuði.
Athugasemdir við tillöguna skulu vera skriflegar og sendar Umhverfisstofnun. Frestur til að skila inn athugasemdum er til 5.janúar 2017.
