A A A
  • 1981 - Brynhildur Elín Kristjánsdóttir
  • 1995 - Alexander Almar Finnbogason
  • 1996 - Margrét Unnur Borgarsdóttir
26.03.2009 - 00:51 | bb.is

Stćkkun Mjólkárvirkjunar í skođun

Mjólká í Arnarfirđi
Mjólká í Arnarfirđi
Umhverfisnefnd Ísafjarðarbæjar hefur tekið fyrir erindi Orkubús Vestfjarða ohf., um hugsanlega stækkun Mjólkárvirkjunar í Arnarfirði. Að sögn Sölva Sólbergssonar, framkvæmdastjóra orkusviðs OV, eiga framkvæmdirnar sér langa forsögu en markmiðið með þeim er að auka afhendingaröryggi raforku á Vestfjörðum. Árið 2007 skilaði verkfræðistofan Verkís athugun á hagkvæmni þess að reisa tvær nýjar virkjanir í Mjólka, til að nýta betur rennsli árinnar fyrir ofan inntak vélar 1 og þá aðstöðu sem þar er fyrir hengi. Sölvi segir athugunina hafa gefið tiol kynna að hér gæti verið um hagkvæmar framkvæmdir að ræða og var því ákveðið að kanna betur aðstæður á verkstað og bæta umræddum tveimur vélum við vélaútboðið, sem nauðsynlegt var að viðhafa gagnvart núverandi virkjun.

Tilboð í mismundandi útfærslur og fjölda véla voru opnuð í janúar á þessu ári. Fjögur tilboð bárust og stendur yfirferð þeirra yfir. Sölvi segir vonir standa til að á næstu vikum verði yfirferðinni lokið en áður en samið verður við framleiðanda, þarf ákvörðun OV að liggja fyrir, hvort framkvæmdin takmarkist við endurbætur á núverandi virkjun eða hvort stærsti kosturinn verði valinn og fjórar vélar keyptar.

 

Stefnt er að því að fyrsta vélin verði sett upp á næsta ári og verður það væntanlega endurnýjun á vél II. Útboðið hefur leitt í ljós að hagkvæmast er að endurnýja alla vélina og munar þar mestu um aukna orkuvinnslu miðað við að halda eftir hluta af gömlu vélinni. Orkuvinnslan eykst um rúm 7% og fer aflið úr 5,7 MW í 7 MW. Ef af fjárfestingunni verður, stendur kostnaðurinn í 500 milljónum króna. Umhverfisnefnd tekur jákvætt í erindið en bendir á að fyrirhugaðar framkvæmdir eru hugsanlega tilkynningarskyldar. Stækkunin sé í samræmi við drög að aðalskipulagi Ísafjarðarbæjar fyrir árin 2008 - 2020.

« Desember »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31