Spekingarnir í heita pottinum á Þingeyri  spáðu mikið í það í morgun hvenær maður ætti að bjóða gott kvöld. Þetta er góð spurning sem gefur tilefni til að rifja upp hin gömlu eyktamörk, sem flestir eru búnir að gleyma. Það er upplagt að velta þessu fyrir sér.

   Eykt er heiti á tímalengd, sem er einn áttundi hluti sólarhringsins eða því sem næst þrjár klukkustundir hver. Eyktamörk eru þegar ein eykt endar og sú næsta byrjar. Eyktamörkin gengu undir ákveðnum heitum og voru helstu tímaviðmiðanir í daglegu tali.

Eyktarmörkin hétu:

miðnætti (kl. 24=0)

ótta (kl. 3)

miður morgunn eða rismál (kl. 6)

dagmál (kl. 9)

hádegi (kl. 12)

nón (kl. 15)

miður aftann (eða miðaftann) (kl. 18)

náttmál (kl. 21).

(Heimild: Wikipedia)