Frá hátíðarsprengingunni. Lengst til vinstri er Bergur Torfason og síðan fleiri Vestur-Ísfirðingar.

Fyrir tveimur vikum var stór dagur fyrir Vestfirðinga þegar fram fór opinber athöfn sem markaði upphaf að Dýrafjarðargöngum.

Margir Vestfirðingar lögðu leið sína í Arnarfjörðinn til þess að taka þátt í hátíðahöldunum. Einn þeirra var Bergur Torfason, fyrrverandi bóndi að Felli í Dýrafirði.

Hann fagnaði með þessari stöku:

Hátíðarsprenging hér var gjörð,
hola var boruð í móðurjörð,
opnað sárið við Arnarfjörð,
og út verður komið í Dýrafjörð.