Myndin Dýrafjarðarslagur eftir Guillermo Zubiaga.

Sýningin um Spánverjavígin 1615 hefur verið sett upp Í Edinborgarhúsinu á Ísafirði í tilefni af því að 400 ár eru í haust liðin frá þessum hrottalegu vígum sem áttu sér stað í Ísafjarðardjúpi og Fjallaskaga í Dýrafirði.

Sýningin verður opnuð kl. 16 laugardaginn 4. júlí 2015.

Baskneski listamaðurinn Guillermo Zubiaga teiknar átta myndir sem sýna helstu atriði sögunnar. Sigrún Antonsdóttir skrifaði textann. Úlfur Kolka hannaði sýningarspjöldin. Baskavinafélagið á Íslandi stendur að sýningunni sem er aðgengileg á fjórum tungumálum, íslensku, basknesku, spænsku og ensku. Nánari upplýsingar má finna á vefnum http://baskavinir.is/