28.01.2013 - 19:32 | BIB
Sólar- og Icesave-kaffi í Lambhaga á Selfossi
Gleði í Lambhaganum á Selfossi. F.v.: Gerður Matthíasdóttir, Jóna G. Haraldsdóttir, Ólafur Bjarnason, Kristín Friðriksdótttir og Stefán Magnússon.
Dýrfirsku hjónin, Gerður Matthíasdóttir og Ólafur Bjarnason, sem búa í Lambhaga á Selfossi og hafa búið í bænum frá 1975, buðu til sólarfagnaðar að vestfirskum sið vegna hækkandi sólar og jafnframt í tilefni sigurs Íslands í Icesave-málaferlunum er lauk í morgun. Á borðum voru rjóma- og sykraðar pönnukökur ásamt sörum.
Til fagnaðrins
var boðið Önfirðingunum á Eyrarbakka; Jónu G. Haraldsdóttur og Birni Inga
Bjarnasyni sem hafa búið við Ströndina frá 1999. Sérstakir gestir voru síðan norðlensku
hjónin; Stefán Magnússon, Eyfirðingur og Kristín Friðriksdóttir frá Dalvík en
þau hafa búið á Selfossi frá 1959.
Í lokin var síðan
skálað fyrir hækkandi sól og Icesavesigri.
