Þessi flottu kynningarskilti er það fyrsta sem mætir manni við smábátahöfnina þegar komið er til Suðureyrar. Þeir vita alveg hvað þeir eru að gera hjá Fisherman. Ljósm H. S.

Og hér er strætisbíllinn þeirra. Var með fullt af erlendum ferðamönnum úr skipum á Ísafirði. Ljósm. H. S.

Við hittum á Víking Kristjánsson leikara og aðstoðarkonu stíga úr „pontu“ eða af bekknum eftir að hafa predikað eitthvað yfir ferðafólkinu. Ljósm H. S.

Upp af bílastæðinu hjá Kaupfélagi Súgfirðinga eru þessi skemmtilegu upplýsingaskilti á fjórum tungumálum. Geri aðrir menntaskólar betur eins og þar stendur!

« 1 af 4 »

1. þáttur

Í dag fórum við í snöggt sumarfrí til Suðureyrar í Súgandafirði. Er það svolítið í stíl við það þegar Erlendur í Unuhúsi og verkamenn við höfnina í Reykjavík og fleiri fóru í 2-3 daga sumarfrí til Hafnarfjarðar í gamla daga.

   Það er virkilega gaman  að koma niður í Súgandafjörð. Túnin hjá frúnni í Botni eru að vísu enn bara með grænum lit. Spretta ekki mikil að sjá 20. júlí. Vonandi stendur það þó til bóta. Það er allt seint á ferðinni hér vestra núna. Við ökum til Suðureyrar í þessari fínu rigningu. Það sem fyrst birtist manni og er áberandi í plássinu er þjónustufyrirtækið Fisherman.  Það hefur greinilega mikið undir: Sjóstangaveiði, matsofa, kaffihús, gisting og allt hvað heiti hefur. Við fengum okkur kaffi og með því á kaffistofunni hjá Fiskimanninum sem ber það skemmtilega nafn Kaupfélag Súgfirðinga, enda staðsett í gamla kaupfélagshúsinu. Það var þetta fína heimiliskaffi og lagleg gulrótartertusneið með. Ákaflega „tasty“ eins og þær segja sumar. Verð 1,285, kr. Mjög sanngjarnt.

Áfram Fisherman!

Hallgrímur Sveinsson.