Á þessari mynd er horft inn Haukadal í Dýrafirði. Kollurinn til vinstri á myndinni er Kaldbakur, hæsta fjall Vestfjarða, en fjallsgnípan til hægri er Kolturshorn.

Það er nóg að gera hjá björgunarsveitunum okkar þessa dagana. Í morgun mátti lesa eftirfarandi frétt á mbl.is:

„Er­lend­ur ferðamaður hafði sam­band við Neyðarlín­una um þrjú­leytið í nótt. Maður­inn var fast­ur í snjó í Kvenna­sk­arði við Kald­bak, en þar um ligg­ur veg­slóði yfir í Arn­ar­fjörð. Björg­un­ar­sveit­in Dýri á Þing­eyri kom mann­in­um til aðstoðar og losaði hann úr snjón­um og hélt hann áfram för sinni að því loknu.“

   Umrætt skarð á Álftamýrarheiði eða Fossdalsheiði, eins og sumir eru harðir á að heiðin heiti, ber nafnið Heiðarskarð en ekki Kvennaskarð. Kvennaskarð er nokkru framar en heiðin. Þar var oft farið á vetrin og þótti þægilegra en að fara Heiðarskarð. Svo sagði Knútur okkar á Kirkjubóli og er rétt að halda því til haga.