Minnismerkið um Skáldið á Þröm. Ljósm.: H. S.

Ekki bjó skáldið í þessu vinalega húsi fyrir neðan minnismerkið, eftir því sem best er vitað. En það er eitt af mörgum smáum húsum frá þeim tíma á Suðureyrarmölum. Ljósm.: H. S.

Magnús Hj. Magnússon (1873-1916)

« 1 af 3 »

Úr kurteisisheimsókn til Suðureyrar í Súgandafirði
4. þáttur

Uppi í hlíðinni ofan Aðalgötu á Suðureyri stendur þetta minnismerki um Magnús Hj. Magnússon (1873-1916) hjá Laxness nefndur Ólafur Kárason Ljósvíkingur. Guðmundur A. Guðnason gerði merkið og klukkusteinn er þar, hannaður af Dýrfinnu Torfadóttur. Magnús var kunnasti ómagi Súðavíkurhrepps. Fékk aldrei losnað úr sveitarskuldinni. Gat því aldrei kvænst heitkonu sinni, Guðrúnu Önnu Magnúsdóttur. Ævikjör þeirra voru ótrúlegt basl og fátækt. Þau bjuggu síðustu árin í örbirgð sinni í fjárhúsi hér uppi á Hjöllunum. Það var eitt herbergi með einum glugga, sem var á stærð við myndina af Jóni Sigurðssyni sem víða var til á þeim árum, ca. 30x40 sm.  Það kallaði hann á Þröm. Gunnar M. Magnúss lét fyrri bók sína um Magnús Hjaltason heita -Skáldið á Þröm-.

Hallgrímur Sveinsson.