A A A
  • 1935 - Soffía Einarsdóttir
06.10.2015 - 08:04 | Hallgrímur Sveinsson

Sjónvarpsspjall: - Gersemar í íslensku sjónvarpi

« 1 af 3 »

Orðið gersemi kemur víða fyrir í fornsögum okkar. Mætti gjarnan nota oftar á okkar tímum. Varla er ágreiningur um það að einhver mesta gersemi í íslensku sjónvarpi hefur verið Ómar Þ. Ragnarsson. Á fáa sína líka ef nokkra. Hemmi okkar Gunn gæti verið næsti bær. Eitt sinn spurði ég Hemma vin okkar hvort honum þætti þekkilegra að vinna í útvarpi eða sjónvarpi. Svar hans kemur kannski sumum á óvart: Útvarpi. Ekki spurning!

    Ekki fer á milli mála að einhver mesta gersemi í Ríkissjónvarpinu í dag er Vestfirðingurinn Þóra Arnórsdóttir.

Kemur þar margt til. Hún er einhvern veginn svo geislandi mannleg í framkomu við háa sem lága. Er eiginlega á sama plani og gersemarnar áðurnefndu. Allt fer henni vel hvort sem um innlenda eða erlenda viðmælendur er að ræða. Og alls konar þáttastjórnun og meira að segja umfjöllun um íþróttir. Ríkissjónvarpið er ekki á flæðiskeri statt með slíka starfsmenn innanborðs.

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31