Hönnun forsíðu er í höndum Guðmundar Odds Magnússonar (Godds), prófessors við Hönnunar- og arkitektúrdeild Listaháskóla Íslands. Á innsíðum er að finna sögu Símaskrárinnar, ritaða af Stefáni Pálssyni sagnfræðingi. Þeir sjást hér á myndinni.

Það eru ekki allir sem átta sig á því að Símaskráin er með skemmtilegri bókum ef að er gáð. Til að fatta það, þá verða menn að gera annað og meira en leita að einhverjum nöfnum og númerum. Hér er átt við starfsheitin sem oft fylgja. Vestfirðingar eru með ólíkindum skemmtilegir í því sem öðru. Skulu hér nefnd af handahófi nokkur stórskemmtileg starfsheiti sem þeir skreyta sig með.

   Nokkur starfsheiti Vestfirðinga í símaskránni:

Galdrasagnfræðingur, drottning, hugmyndasmiður, Vestfjarðavíkingur, vísindaskáldsagnahöfundur, geimvera, djammari, höfðingi, lífskúnsner, heimsmeistari, fjallabróðir , drekinn, ofurninja, frímúrari, tölvuleikjaspilari, lyklakippugagnrýnandi, laxamaður, klapparsköfustjóri og heimasæta.

Símaskráin kom fyrst út þann 15. ágúst árið 1905 og spannar saga hennar því 111 ár. Hún kemur út í síðasta sinn í vor og er af því tilefni í sérstökum hátíðarbúningi.

Hönnun forsíðu er í höndum Guðmundar Odds Magnússonar (Godds), prófessors við Hönnunar- og arkitektúrdeild Listaháskóla Íslands. Á innsíðum er að finna sögu Símaskrárinnar, ritaða af Stefáni Pálssyni sagnfræðingi. Þeir sjást hér á myndinni.