Jón Baldursson, tengdasonur Dýrafjarðar.

„Lykillinn að velgengni er að æfa vel. Íslandsmótið var fyrir mánuði og við höfum verið í lokaundirbúningi síðan þá,“ segir Jón. „Þegar vel liggur á okkur erum við lið í heimsklassa,“ segir hann og útskýrir að öflug bridsmenning sé á Íslandi. „Það vantar aðeins yngri menn inn í bridsið núna, það er annað sem glepur unga fólkið í dag. En það hefur verið öflug bridsmenning hjá okkur lengi.“ Hann segir einnig að best sé þegar fólk byrjar að spila brids fyrir tvítugt. Hann tekur fram að landsliðið í ár sé ágætt miðað við lið fyrri ára.

Mótið í ár markaði skemmtileg tímamóti hjá Jóni en 40 ár eru síðan hann spilaði fyrst með landsliðinu. „Það var því tilvalið að vinna mótið af því tilefni,“ segir hann að lokum.

Morgunblaðið 26. maí 2015