A A A
  • 1946 - Zbigniew Jan Jaremko
  • 1973 - Jón Sigurđson
25.08.2016 - 22:53 | Byggđastofnun,skutull.is,Vestfirska forlagiđ

Samfélagsmiđstöđ á Bíldudal: - Flytja bókasafniđ í Skrímslasetriđ

Bíldudalur viđ Arnarfjörđ og Hrafnseyri handan fjarđarins.
Bíldudalur viđ Arnarfjörđ og Hrafnseyri handan fjarđarins.
Byggðastofnun hefur styrkt 45 verkefni um samtals 57 milljónir króna í gegnum verkefnið Brothættar byggðir.

Í tilkynningu frá stofuninni kemur fram að styrkirnir ná til sjö svæða á landinu. Tekið er mið af því að verkefnin sem styrkt eru séu í samræmi við þær áherslur sem íbúarnir hafa sjálfir lagt á íbúaþingum sem haldin voru í upphafi verkefnistímans. Eitt verkefnanna er Samfélagsmiðstöð á Bíldudal. Að koma upp sameiginlegri menningarmiðstöð, þar sem íbúar geta komið saman til hinna ýmsu verkefna. Flytja á bókasafn Bíldudals í Skrímslasafnið og búa þar hlýlegt og gott umhverfi með betra aðgengi fyrir eldri borgara. Miðstöðin nýtist sem nokkurs konar samfélagsmiðstöð þar sem hægt er að koma saman í smáum og stórum hópum. Aðstaða verður þar einnig fyrir námsmenn til að læra og stunda fjarnám.

 

Fleiri styrkumsóknir í verkefninu á Bíldudal eru til afgreiðlu. Styrkirnir ganga til ýmissa samfélagsverkefna. Hér eru nokkur dæmi: Í Grímsey er styrkfjármunum ársins að stærstum hluta varið til úrbóta á fjarskiptasambandi. Á Breiðdalsvík er verið að koma upp upplýsingamiðstöð fyrir ferðamenn, á Kirkjubæjarklaustri er veittur styrkur til útivistar- og umhverfisfræðslu í Kirkjubæjarskóla og á Raufarhöfn á að gera tólf söguskilti um Raufarhöfn ásamt því að vinna vídeóverk þeim tengd. Skiltin verða í mánaðarröð og lýsa markverðum hlutum er gerðust á svæðinu í hverjum mánuði fyrir sig. Í Hrísey er unnið að frumhönnun og smíði á sérhæfðum tækjum til þurrkunar á lífrænum náttúruafurðum.

« Maí »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31