A A A
  • 1935 - Soffía Einarsdóttir
15.07.2016 - 06:49 | Hallgrímur Sveinsson,Vestfirska forlagið

Saga dagsins: - Meistarinn varð að taka út úr sér fölsku tönnurnar!

Þessi mynd af meistaranum í Hlíð var tekin 16. 09. 2006. Þá var frábær kartöfluuppskera hjá þeim Hlíðarhjónum. Enda okkar maður hróðugur á svipinn! Ljósm. H. S.
Þessi mynd af meistaranum í Hlíð var tekin 16. 09. 2006. Þá var frábær kartöfluuppskera hjá þeim Hlíðarhjónum. Enda okkar maður hróðugur á svipinn! Ljósm. H. S.

Úr því við vorum að nefna hér tíðindamenn erlendra stórblaða í Dýrafirði í gær, þykir okkur rétt að rifja upp að þeir hafa verið hér um slóðir áður.

Og kemur hér saga dagsins:

Þess er að minnast að eitt sinn fyrir um þrjátíu árum var ástand vegarins  fyrir Dýrafjörð alveg hrikalegt. Það var hola, hola, hola.

Gunnar Sigurðsson, meistari og kaupmaður í Hlíð á Þingeyri, er einn af þessum óborganlegu, orðheppnu Vestfirðingum. Þegar þetta var þurfti Gunnar nauðsynlega að skreppa út að Núpi. Þegar þangað kom hitti hann Kára skólastjóra á hlaðinu.

Þá tók Gunnar meistari og arkitekt svo til orða:

  „Vegurinn er svo svakalegur að ég varð að taka út úr mér fölsku tennurnar svo þær brotnuðu ekki uppi í mér.“

  Svo vildi til að Kári skólastjóri var fréttaritari New York Times eða eitthvað. Hann sendi fréttina um fölsku tönnurnar á öldum ljósvakans.

Þannig komst ástand vega í Dýrafirði í heimsfréttirnar!

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31