A A A
  • 1918 - Áslaug Sólbjört Jensdóttir
  • 1965 - Ţröstur Kjaran Elísson
  • 1993 - Hákon Sturla Unnsteinsson
15.04.2017 - 06:10 | Hallgrímur Sveinsson,Vestfirska forlagiđ

Rúmlega 13 ára gömul frétt: - Viagra karamellum úthlutađ í smalamennskum!

Ţeir voru nokkuđ léttir í bragđi Brekkusmalarnir eftir úthlutun: Frá vinstri: Dagbjartur Bjarnason, Valdimar Steinţórsson, Viktor Pálsson, Sigţór Gunnarsson, yfirsmali og tengiliđur, frú hans Sigríđur Ţórarinsdóttir og Gunnar Ţór Valdimarsson. Á myndina vantar ţá félaga Stóra-Grím, yfirmann Viagradeildarinnar og töskubera hans Siggja Friggja.
Ţeir voru nokkuđ léttir í bragđi Brekkusmalarnir eftir úthlutun: Frá vinstri: Dagbjartur Bjarnason, Valdimar Steinţórsson, Viktor Pálsson, Sigţór Gunnarsson, yfirsmali og tengiliđur, frú hans Sigríđur Ţórarinsdóttir og Gunnar Ţór Valdimarsson. Á myndina vantar ţá félaga Stóra-Grím, yfirmann Viagradeildarinnar og töskubera hans Siggja Friggja.

Þann 2. október 2004 mátt lesa eftirfarandi frétt á Þingeyrarvefnum:

Það gleymdist að geta þess í fréttabréfi úr Vestfirsku Ölpunum um daginn sem satt er, þó oft megi satt kyrrt liggja, að í upphafi smalamennsku í umdæminu Brekkudalur að Kirkjubólsdal, var úthlutað karamellum, 2-3 á mann, allt eftir því hvernig á stóð og hefur svo verið um nokkurt skeið.

   Þessi siður er ættaður úr Arnarfirði og hefur þótt gefast vel þar. Þetta er gert til að smalarnir verði brattgengari, léttari á sér, kraftmeiri og ánægðari með lífið á fjöllum og dölum.

   Gunnlaugur Fellabiskup taldi að hér væri um Viagra karamellur að ræða, eða jafnvel þær nýjustu, svokallaðar Víkara karamellur og var því ekki mótmælt. Ráðlagði hann mönnum að geyma að minnsta kosti eina karamellu þangað til þeir kæmu heim og þótti það gott ráð.

   Að öðru leyti er frá því að segja í sambandi við smalamennskur í Vestfirsku Ölpunum að þar hefur verið smalað og smalað og er þar ekkert lát á. Kveður svo rammt að þessu að nú eru menn jafnvel farnir að smala tófum með sauðfénu. Ein hvít lágfóta smalaðist með fénu af Hrafnseyrardal í dag, 2. október og voru mörg vitni að því.

   Og svo má ekki gleyma að geta þess, að Sigrún á Kirkjubóli og smalar hennar, að ógleymdum hinum ómetanlega smalahundi, Fjólu, sem fer í kletta og allt hvað eina til að sækja fé, komu með að minnsta kosti 4 útigöngukindur af hinu svokallaða Veturlandafjalli, inn af Skeggjanum í Arnarfirði. Voru þær að sögn mjög vel útlítandi eftir slarkið í vetur.

 

« Ágúst »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör